یوم پاکستان کے حوالے سے مسلح افواج کی پریڈ ، فضا نعرہ تکبیر سے گونچ اٹھی
باغی ٹی وی : یوم پاکستان کے حوالے سے شکرپڑیاں گراؤنڈ میں یوم پاکستان کے حوالے سے اسلام آباد میں پریڈ کا آغاز ہوگیا۔ تینوں مسلح افواج اور سکیورٹی فورسز کے دستے شریک ہیں۔
تقریب کے مہمان خصوصی صدر مملکت ڈاکٹر عارف علوی، وزیر دفاع پرویز خٹک، چیئرمین جوائنٹ چیفس آف آرمی سٹاف کمیٹی جنرل ندیم رضا نشان امتیاز ملٹری، چیف آف آرمی سٹاف جنرل قمر جاوید باجوہ نشان امتیاز ملٹری، چیف آف نیول سٹاف ایڈمرل محمد امجد خان نیازی، وائس چیف آف ایئر سٹاف ایئر مارشل سید نعمان علی سلامی کے چبوترے پر موجود ہیں۔ وزیراعظم عمران خان کورونا کے مرض کی وجہ سے پریڈ میں شرکت نہیں کر رہے۔
یوم پاکستان کی مناسبت سے منعقد ہونے والی پریڈ کا آغاز ہوگیا، پریڈ میں سول، فوجی قیادت اور غیر ملکی شخصیات شریک ہیں۔یوم پاکستان پریڈ کا آغاز ہوتے ہی فضا نعرہ تکبیر کے نعروں سے گونج اٹھے، پریڈ میں دفاعی ساز و سامان کی نمائش ہوگی۔
پریڈ میں سول، فوجی قیادت اور غیرملکی شخصیات شریک ہیں، چاروں صوبوں، گلگت بلتستان اور آزاد کشمیر کے وفود بھی شریک ہیں۔پریڈ کے موقع پر جڑواں شہروں میں موبائل سروسز معطل ہے جب کہ اسلام آباد اور راولپنڈی میں عام تعطیل ہے۔
خیال رہے کہ یوم پاکستان کی پریڈ موسم کی خرابی کے باعث 23 مارچ کو ملتوی کی گئی تھی۔
