یوم علی کی سیکیورٹی کے لیے پولیس کیا کر رہی ہے؟

یوم حضرت علی(رضی اللہ عنہ) سمیت جزوی لاک ڈاؤن پر عملدرآمد یقینی بنانے کے لئے ماڈل ٹاؤن ڈویژن میں مشترکہ فلیگ مارچ۔
ایس پی ماڈل ٹاؤن اعجاز رشید نے فلیگ مارچ کی قیادت کی۔ فلیگ مارچ میں،پاکستان آرمی،رینجرز سمیت پولیس کی بھاری نفری نے حصہ لیا۔ فلیگ مارچ ماڈل ٹاؤن سے شروع ہو کر فیروزپور روڈ،کلمہ چوک،برکت مارکیٹ،اکبر چوک،پیکو روڈ سے فیروزپور روڈ،کلمہ چوک،لبرٹی گول چکر مین بلیوارڈ،کلمہ چوک سے ہوتا ہوا ماڈل ٹاؤن پہنچ کر اختتام پذیر ہوا۔ ایس پی ماڈل ٹاون اعجاز رشید کا کہنا تھا کہ یوم حضرت علی(رضی اللہ عنہ) پر حکومتی احکامات پر عملدرآمد یقینی بنائیں گے۔ شہر میں جمعہ،ہفتہ اور اتوار مکمل لاک ڈاؤن ہو گا،شہری غیر ضروری نقل وحرکت سے گریز کریں۔ شہری موجودہ وبائی صورتحال کے پیش نظر انتظامیہ اور پولیس کے ساتھ تعاون کریں۔ عوام الناس کے جان و مال کی حفاظت کرنا اورحکومتی احکامات پر عمل درآمد کو یقینی بنانا اولین ترجیحات میں شامل ہے۔