یمنہ زیدی نے نایاب فلم آخر سائن کیوں کی؟‌

اداکارہ یمنہ زیدی جنہوں نے ٹی وی پر اپنی اداکاری کی دھوم مچائی ان کے کریڈٹ پر بے شمار سپر ہٹ کردار اور ڈرامے ہیں. یمنہ زیدی حقیقت کے قریب اداکاری کرتی ہیں جس کی وجہ سے ان کو ایک بڑی اداکارہ مانا جاتا ہے. اداکارہ چھوٹی سکرین کے بعد اب بڑی سکرین پردھوم مچانے جا رہی ہیں، جی ہاں اداکارہ یمنہ زیدی نایاب فلم کے زریعے لالی وڈ میں‌ اینٹری دینے جا رہی ہیں وہ اس فلم سے کافی خوش ہیں. ان کہنا ہے کہ مجھے بہت ساری فلمیں آفر ہوتی رہی ہیں لیکن مجھے ان کے سکرپٹس پسند نہیں آرہے تھے اس لئے میں منع کرتی گئی لیکن جب مجھے نایاب فلم آفر ہوئی تو میں نے اسکا سکرپٹ پڑھا تو مجھے بہت اچھا لگا لہذا میں نے فلم سائن کر لی. انہوں نے کہا کہ

نایاب کی کہانی خاتون کرکٹر کی زندگی کے گرد گھومتی ہے۔ انہوں نے انکشاف کیا کہ انہوں نے اپنی زندگی میں کبھی بلا یا گیند نہیں پکڑی اور نہ ہی کسی پاکستانی کرکٹرز کا معلوم ہے، انہوں نے اس فلم کے لیے باقاعدہ ٹریننگ حاصل کی تھی۔ یمنہ نے کہا کہ پاکستان میں کرکٹ کا جنون ہے لیکن اتفاق سے میں نے کبھی گیند یا بلا نہیں پکڑا اور نہ ٹھیک سے کرکٹ دیکھ پائی اس لیے کرکٹ کھیلنے کی باقاعدہ تربیت حاصل کی تھی۔