![yumna and nadia](https://baaghitv.com/wp-content/uploads/2023/07/nadia-yumna-905x613.jpg)
اداکارہ نادیہ افگن نے جب سے یمنہ زیدی کو اور ریٹڈ کہا ہے ان کی سوشل میڈیا پر کافی کلاس لگی ہوئی ہے، ان سے پوچھا گیا ہے کہ آپ نے یمنہ زیدی کو اور ریٹڈ کیوں کہا ہے اس پر نادیہ افگن نے کہا ہے کہ مجھے یمنہ سے کوئی مسئلہ نہیں ہے، بس مجھے اوور ریٹڈ لگتی ہے، اس میں مسئلہ کیا ہے؟ آپ نہ مانیں لیکن اپنی مرضی مجھ پر مسلط مت کریں۔انہوں نے کہا کہ ہر انسان کی اپنی مرضی ہوتی ہے وہ جیسا سوچتا ہے بولے وہ جیسا چاہتا ہے کرے کسی دوسرے کا حق نہیں بنتا کہ وہ اس پر اپنی مرضی مسلط کرے. انہوں نے کہا کہ میںہمیشہ وہ کہتی اور کرتی ہوں جو میرا دل کرتا ہے اور آگے بھی میں ایسا ہی کروں گی.
نادیہ افگن نے کہا کہ ’میں سینئر اداکارہ ہوں اور مجھے اپنی ذاتی رائے رکھنے اور اظہار خیال کرنے کا پورا حق ہے، ”ہر کسی کو اتفاق اور اختلاف کا حق ہے لیکن کسی کو بدتمیزی اور بدسلوکی کا حق نہیں ہے”۔یاد رہے کہ نادیہ افگن کو وہاج علی اور بشری انصاری نے آڑھے ہاتھوں لیا تھا اور کہا تھا کہ یمنہ اچھی اداکارہ ہیں نادیہ کو ایسا نہیں کہنا چاہیے بلکہ جونئیرز کی حوصلہ افزائی کرنی چاہیے.