معروف اداکارہ یمنی زیدی نے اپنے حالیہ انٹرویو میں کہا ہے کہ اگر ڈائریکٹر اور رائٹر اچھا ہو تو رومینٹک سین کرنے میںکوئی مسئلہ نہیں ہوتا. مجھے رومینٹک سین کرنے میں کسی قسم کی ہچکاہٹ نہیں ہے. انہوں نے کہا کہ مجھے بہت خوشی ہے کہ میرے تمام پراجیکٹس کو شائقین کی جانب سے اچھا ریسپانس مل رہا ہے. انہوں نے مزید یہ بھی کہا کہ سینئرز اگر جونئیرز کے کام کی تعریف کرتے رہیں تو جونئیرز کی حوصلہ افزائی ہوتی ہے ان میں مزید اچھا کام کرنے کا جذبہ پیدا ہوتا ہے. یمنہ زیدی نے کہا کہ سکرپٹس پر کام کرنے کی بہت زیادہ ضرورت ہے اگر سکرپٹ اچھا ہو تو اداکار بھی بہترین اداکاری کرتے ہیں.
یمنہ زیدی نے کہا کہ ”میں اپنے کام میں نکھار لانے کے لئے محنت کرتی رہتی ہوں” ، جب کوئی کہتا ہے کہ میری اداکاری پہلے سے بہتر ہوئی ہے تو مجھے بہت خوشی ہوتی ہے اور میں بہت لکی ہوں کہ مجھے سینئرز کی جانب سے سراہا جاتا ہے. ایک سوال کے جواب میں انہوں نے کہا کہ وہاج علی ایک بہترین اداکار ہیں ان کو کام کی بہت زیادہ سمجھ بوجھ ہے ان کے ساتھ کام کرکے بہت مزہ آیا امید ہے کہ ہم دوبارہ بھی کام کریں گے.