اداکارہ یمنی زیدی جو کہ اپنی بہترین پرفارمنس کی وجہ سے شائقین کے دلوں پر راج کرتی ہیں. انہوں نے اپنے حالیہ انٹرویو میںکہا ہے کہ کسی بھی انسان کی کامیابی کی پہلی سیڑھی اس کے خواب ہیں۔انہوں نے کہا کہ کبھی بھی خواب دیکھنا بند نہ کریں۔انسان جب خواب دیکھنا چھوڑ دیتا ہے صرف اس لئے کہ اس کے خواب پورے نہیں ہو رہے تو اسکا مطلب یہ ہے کہ وہ ہار مان رہا ہے. انہوں نے کہا کہ بچپن میں ، میں ایک ایسی بچی تھی جس میں اعتماد کی بہت کمی تھی لیکن میں پھر بھی خواب دیکھا کرتی تھی۔ اور آج میں جس مقام پر ہوں وہ میری ہمت نہ ہارنے اور اپنے خوابوں کو سچا کرنے کا نتیجہ ہے۔
انہوں نے کہا کہ ”کیرئیر کے شروع میںمجھے بھی بہت ساری ناکامیاں اٹھانی پڑیں” لیکن نہ میں نے ہمت ہاری نہ ہی خواب دکھنے چھوڑے خوشی ہے کہ میری محنت اور مستقل مزاجی رنگ لا رہی ہے. انہوں نے کہا کہ میں ہر کسی سے یہ کہوں گی کہ زندگی کا ہر پل جیئیں، اور کبھی بھی مایوسی کو سر پر سوار نہ ہونے دیں. یاد رہے کہ یمنہ زیدی کا حال ہی میں ڈرامہ تیرے بن اختتام پذیر ہوا اس میں ان کی اداکاری کو بے حد سراہا گیا.