اسلام آباد: دفاعی تجزیہ نگار زید حامد نے بھارت کو دھمکی لگاتے ہوئے کہا ہے کہ اکھنڈ بھارت کا خواب مت دیکھو کیونکہ یہ خواب ڈراؤنا خواب ثابت ہوگا.
تفصیلات کے مطابق دفاعی تجزیہ نگار زید حامد نے سماجی رابطے کی ویب سائٹ ٹویٹر پر ایک صارف کو جواب دیتے ہوئے کہا کہ تاریخ میں اکھنڈ بھارت کا کوئی وجود نہیں ہے اور نہ ہی مستقبل میں کبھی اکھنڈ بھارت کو خواب پورا ہوگا. انہوں نے یہ جواب تب دیا جب ایک ٹویٹر صارف نے کہا کہ "بھارت کی تاریخ کے عنوان سے ایک کتاب ہے جس کے پہلے پیراگراف میں یہ بات لکھی ہوئی ہے کہ برصغیر پاک و ہند کے لوگ ہمیشہ ہی ایک دوسرے کے خلاف لڑائی جھگڑوں میں مصروف رہتے تھے لہذا عربوں اور ترک منگولوں کیخلاف کبھی اکٹھے کھڑے نہیں ہوسکے”۔ جس کا جواب زید حامد نے دیا کہ تاریخ میں اکھنڈ بھارت کا کئی وجود نہیں ہے، ایک سنی سنائی بات ہے جس پر بھارت خواب دیکھ رہا ہے لیکن میں بھارت کو بتادوں کہ یہ خواب ایک ڈراؤنے خواب میں بدل جائے گا.”
https://twitter.com/BTPakistan/status/1167075767605452801
یاد رہے کہ اس سے قبل مسلئہ کشمیر پر بولنے کے سبب ٹویٹر انتظامیہ نے زید حامد کا آفیشل ٹویٹر اکاؤنٹ معطل کردیا ہے، جس کے باعث انہوں نے نیا اکاؤنٹ بنالیا ہے.
