تماشا گھر سے شہرت پانے والی زینب راجہ کو ڈرامہ سیریل تکبر میں کاسٹ کر لیا گیا

حال ہی میں اختتام پزیر ہونے والے رئیلٹیٰ شو "تماشا گھر” سے شہرت حاصل کرنے والی ماڈل زینب راجہ کو مومل پروڈکشن کے نئے ڈرامے”تکبر”میں کاسٹ کرلیا گیا ہے جس کے ڈائریکٹر کاشف سلیم ہیں۔اسلام آباد سے تعلق رکھنے والی زینب راجہ نے ماس کمیونیکیشن میں ڈگری حاصل کی ہوئی ہے اور وہ 2016 میں مس ویٹ منتخب ہوئی تھیں۔زینب راجہ اس سے پہلے ڈرامہ سیریل”میری گڑیا”اور "رفتہ رفتہ”میں بھی کام کرچکی ہیں. تکبر ڈرامہ سیریل کی شوٹنگ کا آغاز کردیا گیا ہے. زینب راجہ کا اس حوالے سے کہنا ہے کہ میں بہت خوش ہوں کہ مجھے تکبر جیسے ڈرامہ میں کاسٹ کیا گیا ہے ،

سینئرز کے ساتھ کام کرکے یقینا مجھے بہت کچھ سیکھنے کا موقع ملے گا ، میں گو کہ پہلے بھی ڈراموں میں کام کر چکی ہوں لیکن اس بار میں ایک رئیلٹی شو کو کرنے کے بعد ڈرامے میں کام کررہی ہوں اس بار زرا لوگ مجھے پہچاننے لگے ہیں۔ انہوں نے کہا کہ” تماشا گھر میں رہنے کا جو تجربہ ہے وہ بہت ہی زبردست رہا ہے ۔ وہاں میں نے اپنا سو فیصد دینے کی کوشش کی اور لوگوں کا جو پیار اور توجہ ملی اسکو الفاظ میں بیان کرنا ممکن نہیں ہے”۔

سیلف ریسپیکٹ پر کمپرمائز نہیں کرتی نادیہ حسین

راکھی اپنے نکاح کی وڈیوز ایکبار پھر سوشل میڈیا پر شئیر کر کے پھنس گئیں

اہلیہ کو خوش کرنے کے لئے وکی کوشل کیا کرتے ہیں جان کر رہ جائیں …