اسرائیلی جیل سے اہم کمانڈر زکریا زبیدی سمیت 6 فلسطینی فرار:تمام حساس ٹیکنالوجی ناکام

مقبوضہ بیت المقدس :اسرائیلی جیل سے اہم کمانڈر زکریا زبیدی سمیت 6 فلسطینی فرار:تمام حساس ٹیکنالوجی ناکام ،اطلاعات کے مطابق صیہونیوں کے خلاف مزاحمت کرنے والی تنظیم کے اہم کمانڈر سمیت 6 فلسطینی اسرائیل کی جیل سے فرار ہونے میں کامیاب ہو گئے۔

اس بہت بڑی ناکامی پر صیہونی حکام کی جانب سے جاری بیان میں کہا گیا ہے کہ 6 فلسطینی زیر زمین بنائی گئی ایک سرنگ کے ذریعے جیل سے فرار ہو گئے ہیں۔

اسرائیلی حکام کے مطابق گبوا جیل میں صبح 3 بجے کے قریب کچھ مشتبہ افراد کی موجودگی کا الرٹ ملا اور بعدازاں اس بات کی تصدیق ہوئی کہ جیل سے الاقصیٰ بریگیڈ کے سابق سربراہ زکریا زبیدی سمیت 6 فلسطینی فرار ہونے میں کامیاب ہو گئے ہیں۔

اسرائیل کے وزیراعظم نفتالی بینیٹ نے جیل سے فلسطینیوں کے فرار کو انتہائی شرمناک واقعہ قرار دیا ہے جبکہ صیہونی پولیس اور آرمی نے مفرور قیدیوں کی گرفتاری کے لیے تلاش شروع کر دی ہے۔

یاد رہے کہ اسرایلی جیلوں میں‌ہزاروں فلسطینی قیدی ظلم وستم سہہ رہےہیں اور اس کے باوجود بھی اپنے حق آزادی اوراسرائیلیوں کی یہاں سے دربدری کے موقف سے پیچھے نہیں ہٹے