زلمے خلیل زاد نے دورہ پاکستان موخرکیوں کیا ؟ خبر نے ہلچل مچادی

اسلام آباد: ایک طرف امریکہ اور افغان طالبان کے درمیان امن مذاکرات تو دوسری طرف افغانستان میں فریقین کے ایک دوسرے پر حملوں کے الزاماات کی وجہ سے امریکی نمائندہ خصوصی برائے افغان مفاہمتی عمل زلمے خلیل زاد نے دورہ پاکستان موخر کردیا۔

کابل سے ذرائع کے مطابق افغانستان کے دارلحکومت کابل میں افغان طالبان کے حملے کے باعث زلمے خلیل زاد نے دورہ پاکستان موخر کردیا ہے۔ امریکی نمائندہ خصوصی برائے افغان مفاہمتی عمل کو گزشتہ روز اسلام آباد آنا تھا تاہم اب وہ کل اسلام آباد پہنچیں گے۔

زلمے خلیل زاد نے پاکستانی حکام کو افغان امن معاہدے سے متعلق بریفنگ دینی ہے۔ زلمے خلیل زاد افغان امن میں اب تک کی پیشرفت سے پاکستانی حکام سے مشاورت بھی کریں گے