"اگر ہل چلایا تو تمہیں جان سے ماردیں گے” متاثرین نے پولیس کو رپورٹ کردی

چکوال۔ (اے پی پی)قصبہ پنوال تھانہ صدر چکوال کے علاقے میں زمین پر قبضہ کرنے کی کوشش کرنے والے دو افراد کیخلاف مقدمہ درج کرلیا گیا۔ محمد نذیر ولد شیر خان سکنہ پنوال نے درخواست دی کہ واقع اراضی جبیرپور ان کے نام درج کاغذات محکمہ مال بخانہ مالیکت قبضہ موجود ہے جب بھی وہ ہل چلانے یا فصل کاشت کرنے جاتے ہیں تو ملزمان محمد بلال، خاور پسران محمد بنارس مسلح اسلحہ آجاتے اور کہتے ہیں کہ یہ اراضی ہماری ہے اگر ہل چلایا تو تمہیں جان سے ماردیں گے جو کہ ناجائز قبضہ کرنا چاہتے ہیں۔اے ایس آئی عدیل شہزاد نے مقدمہ درج کر کے ملزمان کی تلاش شروع کردی ہے۔