پاکستان شوبز انڈسٹری کی معروف اداکارہ زارا نور عباس نے فلم ’دی لیجنڈ آف مولا جٹ ‘ میں کام نہ کرنے کی وجہ بتاتے ہوئے کہا ہے کہ انہوں نے ثانوی کردار کی وجہ سے کام کرنے سے انکار کیا تھا-
باغی ٹی وی : زاراس نور عباسی نے برطانوی نشریاتی ادارے کو انٹرویو دیتے ہوئے بتایا کہ انہیں ’دی لیجنڈ آف مولا جٹ‘ میں کام کرنے کی پیشکش کی گئی تھی لیکن انہوں نے فلم میں کام کرنے سے انکار کر دیا تھا۔
انکار کیوں کیا تھا اس کی وجہ زارا نور نے یہ بتائی کہ فلم میں مجھے انتہائی ثانوی کردار کی پیشکش کی جارہی تھی جو میرے لئے مناسب نہیں تھا-
اداکاہ نے کہا کہ فلم میں میرا کردار اداکارہ ماہرہ خان اور حمائمہ ملک کے مقابلے میں بہت ہی ثانوی تھا میرے خیال میں کسی بھی اداکار کو ایسا کوئی بھی کردار ادا نہیں کرنا چاہئے جس میں آپ دکھائی ہی نہ دیں اور نہ ہی اس میں اداکاری کے جوہر دکھانے کے زیادہ مواقع ملیں۔
واضح رہے کہ ’دی لیجنڈ آف مولا جٹ‘ بجٹ کے لحاظ سے پاکستانی تاریخ کی سب سے بڑی فلم ہے جو کہ انسائیکلومیڈیا اور لاشاری فلمز کے بینر تلے تیار کی گئی ہے۔
فلم کی پروڈیوسر عمارہ حکمت ہیں فلم کے ہدایت کار بلال لاشاری ہیں اور اسکرپٹ ناصر ادیب نے تحریر کیا اس کے مرکزی کرداروں میں ماہرہ خان ،فواد خان، حمزہ علی عباسی اور حمائمہ ملک ہیں اس فلم میں ماضی کے معروف کرداروں مولا جٹ اور نوری نتھ کے دور کی عکاسی کی گئی ہے-
