آصف زرداری کی زندگی خطرے میں ، کچھ بھی ہوسکتا ہے ، چودھری منظور نے وارننگ جاری کردی

لاہور : پیپلز پارٹی کے جیالے آصف علی زرداری کی زندگی کا کارڈ کھیلنے لگے ، اطلاعات کے مطابق پیپلزپارٹی پنجاب کے جنرل سیکرٹری چودھری منظور نے کہا ہے کہ جیل میں آصف زرداری کی زندگی کو خطرات لاحق ہیں، متنبہ کرنا چاہتے ہیں کہ اگر انہیں کچھ ہوا توحکومت کے ساتھ ساتھ جیل حکام بھی اس کے ذمہ دار ہوں گے۔

چوہدری منظور احمد نے کہا کہ حکومت اپوزیشن کے خلاف انتقامی کارروائیوں پر اترآئی ہے اور نیب یکطرفہ احتساب کررہا ہے، اپوزیشن رہنماوں کو گرفتارکیا جا رہا ہے جبکہ آصف زردرای کو عدالتی احکامات کے باوجود جیل قواعد کے مطابق سہولیات فراہم نہیں کی جارہیں۔وہ ماڈل ٹاون میں پیپلز پارٹی کے سیکرٹریٹ میں ایک پریس کانفرنس سے خطاب کررہے تھے