زینت امان بالی وڈ کی سب سے خوبصورت اور دلکش اداکاراؤں میں سے ایک ہیں. انکی مقناطیسی شخصیت نے ہمیشہ مداحوں اور ناقدین سے یکساں تعریف حاصل کی ہے۔ اپنے وسیع اور شاندار کیریئر کے دوران، انہوں نے ڈان، دھرم ویر، قربانی اور ستیم شیوم سندرم جیسی مشہور فلموں میںکام کیا اور شائقین کی داد وصول کی. اونچائیوں اور پستیوں سے بھرے اپنے سفر کے باوجود، زینت امان ایک مضبوط خاتون کے طور پرسامنے آئی ہیں. وہ خواتین کےلئے ایک مثال ہیں. زینت امان نے اپنے حالیہ انٹرویو میں خواتین کی خود مختاری پر بات کی ہے. انہوں نے کشا کپیلا کے ساتھ اپنے انٹرویو میںکہا کہ خواتین کے پاس مالی وسائل اور مواقع موجود ہیں وہ ہر رکاوٹ کو توڑ کر آگے بڑھ سکتی ہیں.
وہ اپنے فیصلے خود کر سکتی ہیں ایسے فیصلے جو ان کے خوابوں کو پورا کریں. انہوں نے کہا کہ میں خواتین کو مشورہ دوں گی کہ وہ مالی طور پر خود مختار ہونے اور خود سے سرمایہ کاری کرنے کی کوشش کریں۔ انہوں نے کہا کہ ”مجھے یاد ہے کہ میںنے بہت ہی کم عمری میں ہی اپنے گھر کو سپورٹ کرنا شروع کر دیا تھا.” میرے گھر کے حالات ٹھیک نہیں تھے ، لیکن ایک وقت ایسا آیا کہ میںخود مختار خاتون بن گئی.
