لودھراں: ذہنی معذور لڑکی کو مبینہ طور پر زیادتی کا نشانہ بنا دیا گیا۔
باغی ٹی وی : پولیس کے مطابق مبینہ زیادتی کا واقعہ گزشتہ روز گیلے وال میں پیش آیا ذہنی معذور لڑکی سے مبینہ زیادتی کا مقدمہ متاثرہ لڑکی کے والد کی مدعیت میں درج کیا گیا جنسی زیادتی کے الزام میں ایک شخص کو گرفتار کیا گیا ہے جو ملزم متاثرہ لڑکی کا رشتے دار ہے، لڑکی کا میڈیکل کرا لیا گیا ہے، رپورٹ آنے پر مزید کارروائی کی جائے گی۔
دوسری جانب گھوٹکی کے نواحی گاؤں جندو گھوٹو میں ملزم نے فائرنگ کر کے خاتون کو قتل کر دیا پولیس کے مطابق فائرنگ کا واقعہ گھوٹکی کے نواحی گاؤں جندو گھوٹو میں پیش آیا جب ملزم نے فائرنگ کر کے 45 سالہ خاتون کو قتل کر دیاملزم نے حضوراں نامی خاتون کو غیرت کے نام پر قتل کیا فائرنگ کے بعد ملزم موقع پر فرار ہوگیا جس کی تلاش جاری ہے، مقتولہ کی لاش کو متعلقہ اسپتال منتقل کر دیا گیا ہے۔
