کراچی : ضلع ایسٹ پولیس کی کارروائی ، دو منشیات فروشوں سمیت ایک موٹر سائیکل لفٹر گرفتار
ذرائع کے مطابق ضلع ایسٹ پولیس نے کارروائی کرتے ہوئے دومبینہ منشیات فروش سمیت ایک موٹر سائیکل لفٹر کو گرفتار کرکے ان کے قبضے سے بڑی مقدار میں چرس اورایک موٹر سائیکل برآمد کرلی۔
ترجمان ایس ایس پی ضلع ایسٹ پولیس کے جمعہ کو جاری کردہ اعلامیہ کے مطابق گرفتار ملزمان میں شاکر ولد غلام ، محمد فاروق ولد محمد کالو اورپانوس ولد طارق مسیح شامل ہیں۔پولیس نے ملزمان کو تھانہ عزیز بھٹی ، سولجربازار اور گلشن اقبال کی حدود سے گرفتار کرکے ان کے قبضے سے 2 کلوچرس اور ایک موٹر سائیکل برآمد کرلی ہے۔گرفتار ملزمان کراچی کے مختلف علاقوں میں منشیات فروخت کیا کرتے تھے۔پولیس نے ملزمان کے خلاف مقدمات درج کرکے مزید تفتیش کا آغاز کردیا ہے
