قصور: زیادتی کی کوشش معہ قتل کی واردات میں ملوث ملزم گرفتار
باغی ٹی وی :قصور تھانہ گنڈا سنگھ پولیس کی کاروائی، زیادتی کی کوشش معہ قتل کی واردات میں ملوث ملزم گرفتار کر لیا گیا۔
تفصیلات کے مطابق دو روز قبل گنڈا سنگھ کے علاقے سے کھیتوں میں 12سالہ وحید زخمی حالت میں ملا معصوم وحید شدید زخمی حالت میں چلڈرن ہسپتال لاہور میں زیر علاج تھا لیکن وہ جانبر نہ ہو سکا۔
نامعلوم ملزم کی گرفتاری کیلئے ڈی ایس پی سٹی کی زیر نگرانی سپیشل ٹیم تشکیل دی گئی پولیس ٹیم نے دو روز کے انتہائی قلیل وقت میں 17 سالہ ملزم یاسین کو ٹریس کر کے گرفتار کر لیا-
ملزم نے انکشاف کیا کہ 12 سالہ وحید نے بدفعلی سے انکار کیا جس کا گلہ چھری سے کاٹ دیا اور فرار ہو گیا-
ملزم یاسین نے اعتراف کیا کہ اس نے دو ماہ قبل بھی وحید کو زیادتی کا نشانہ بنایا لیکن دونوں فریقین میں کمپرومائز کے باعث پولیس رپورٹ نہیں کی-
تھانہ گنڈا سنگھ والا پولیس نے مقدمہ میں 302/377/511 دفعات ایزاد کر کے مزید تفتیش شروع کر دی-
ڈی پی او قصور عمران کشور نے کہا کہ معصوم بچے کیساتھ جنسی زیادتی کی کوشش معہ قتل میں ملوث ملزم کو سخت سزا دلوائی جائے گی۔
عمران کشور نے مزید کہا کہ شہری جنسی زیادتی جیسے واقعات میں کمپرومائز کی بجائے پولیس رپورٹ لازمی کروائیں تاکہ سوسائٹی میں ایسے بھیڑیوں کی نشاندہی ہو سکے۔
