زونگ موبائل نیٹ ورک کی درخواست ناقابلِ سماعت ہونے کی بنیاد پر خارج

اسلام آباد:عدالت نے زونگ موبائل نیٹ ورک کو کسٹمرز سے وصول کردہ دو ارب سے زائد کی رقم کسٹمرز کو ہی واپس کرنے کا آرڈر برقرار رکھنے کا حکم دیا ہے-

باغی ٹی وی : اسلام آباد ہائیکورٹ نے پی ٹی اے کے آرڈر کے خلاف موبائل نیٹ ورک آپریٹر زونگ کی درخواست خارج کر دی پی ٹی اے نے اگست 2019 میں زونگ کو سروس اور مینٹیننس کی مد میں چارج کی گئی رقم واپس کرنے کا آرڈر کیا تھا پی ٹی اے نے 30 اگست 2019 کو زونگ موبائل نیٹ ورک کو 2 ارب 2 کروڑ 80 لاکھ اور 38 ہزار روپے واپس کرنے کا آرڈر کیا تھا –

زونگ موبائل نیٹ ورک کو 26 اپریل سے 12 جولائی 2019 کے درمیان وصول کردہ چارجز واپس کرنے کا حکم دیا گیا تھازونگ موبائل نیٹ ورک آپریٹر ہر ایک سو روپے کا کارڈ ری چارج کرنے پر دس روپے چارج کرتا تھا جسٹس میاں گل حسن اورنگزیب نے زونگ کی درخواست ناقابلِ سماعت قرار دے کر خارج کی-

حکومتی اتحاد ٹوٹ گیا،جرمن صدر نے پارلیمنٹ تحلیل کر دی

فیصلے میں کہا گیا کہ سپریم کورٹ نے 11 جون 2018 میں سوموٹو نوٹس لے کر کمپنیز کو موبائل ری چارج پر چارجز لینے سے روک دیا، اپیل کنندہ زونگ کے مطابق انہوں نے سپریم کورٹ کے آرڈر کے بعد 13 جون 2018 سے 10 فیصد چارجز لینا روک دی،اپیل کنندہ وکیل کے مطابق 24 اپریل 2019 کو سپریم کورٹ نے کیس نمٹانے کے مختصر فیصلے میں حکمِ امتناعی ختم کر دیا-

فیصٌلے میں کہ گیا کہ اپیل کنندہ کے مطابق حکمِ امتناعی ختم ہونے سے یہ سمجھ آیا کہ چارجز لینے پر پابندی باقی نہیں رہی، اپیل کنندہ کے سپریم کورٹ نے 10 مئی کو تفصیلی فیصلہ جاری کیا جو اُنہیں کو 3 جولائی کو ملا، سپریم کورٹ نے تفصیلی فیصلے میں لکھا کہ سیلولر ٹیلی کام کمپنیز کو چارجز لینے کی اجازت نہیں، سپریم کورٹ کے فیصلے کے بعد 10 جولائی کو پی ٹی اے نے زونگ سے اِس مدت میں لیے گئے چارجز کی تفصیلات طلب کیں-

یونان کشتی حادثہ: ایف آئی اے کے 31 افسران اور اہلکاروں کےملوث ہونے کا انکشاف

فیصلے میں کہا گیا کہ زونگ نے 16 اگست 2019 کو تفصیلات دیں کہ 2 ارب 2 کروڑ 80 لاکھ اور 38 ہزار روہے کے چارجز وصول کیے گئے، پی ٹی اے نے 30 اگست کو زونگ موبائل نیٹ ورک کو چارجز کی مد میں وصول کردہ روم کسٹمرز کو واپس کرنے کا آرڈر کیا، پی ٹی اے وکیل کے مطابق آرڈر پر عملدرآمد نہ ہونے پر 5 نومبر 2019 کو زونگ کو شوکاز نوٹس جاری کیا گیا، پی ٹی اے وکیل نے میرٹ پر دلائل سے پہلے کیس قابلِ سماعت ہونے پر اعتراض اٹھایا، پی ٹی اے وکیل کے مطابق زونگ کو وصول کردہ رقم واپس کرنے کا پی ٹی اے کا خط کوئی آرڈر نہیں، زونگ موبائل نیٹ ورک کی درخواست ناقابلِ سماعت ہونے کی بنیاد پر خارج کی جاتی ہے-

اسرائیل کی جانب سے شام پر نیوکلئیر حملہ کرنے کا دعویٰ