اور جب زویا ناصر ڈاکوئوں‌ کے سامنے بھاگ کھڑی ہوئیں

معروف رائٹر ناصر ادیب اور ق لیگ کی رہنما آمنہ الفت کی بیٹی زویا ناصر جو کہ اداکارہ ہیں، انہوں نے اپنے حالیہ انٹرویو میں انکشاف کیا ہے کہ ایک بار وہ کراچی میں ایک شوٹنگ سے واپس آرہیں تھیں ، راستے میں تین تلوار کے پاس ڈاکوئوں نے ان کی گاڑی روکی اور ان سے جو کچھ ہے نکالنے کا مطالبہ کیا، زویا کہتی ہیں کہ ایسی صورتحال میں ، میں نے گاڑی سے نکل کر دوڑ لگا دی ، شاید ڈاکوئوں کے پاس پستول نہیں تھی اگر ہوتی تو شاید وہ گولی مار دیتے ، زویا نے کہا کہ میں اب سوچتی ہوں تو مجھے لگتا ہے کہ یہ کافی بچگانہ عمل تھا جو میں نے اس وقت کیا ایسا نہیں کرنا چاہیے تھا. اس کے علاوہ انہوں نے یہ بھی کہا کہ مجھے موٹر وے سے بہت ڈر لگتا ہے کیونکہ میری والدہ کو

تین بار موٹر وے سے اس وقت اغواء کیا گیا جب وہ ایم پی اے تھیں ، ڈاکو تینوں بار ان کی گاڑی ویرانے میں لے گئے اور ہم نے خوش قسمتی سے بازیاب بھی کروا لیا. میرے دل میں موٹر وے سے جانے کا ڈر بیٹھا ہوا ہے. میری کوشش ہوتی ہے کہ میں موٹر وے سے سفر نہ ہی کروں. اداکارہ نے کہا کہ میرا جب جب دل کرتا ہے میں کام کر لیتی ہوں.