باغی ٹی وی کی رپورٹ کے مطابق وفاقی وزیر اطلاعات مریم اورنگزیب نے کہا ہے کہ عمران خان راستے بند کر کے کیا مقاصد حاصل کرنا چاہتے ہیں؟
وفاقی وزیر اطلاعات مریم اورنگزیب کا کہنا تھا کہ زبانیں بند کرنے والا آج سڑکیں بند کر رہا ہے،عمران خان کی وجہ سے ملک میں فساد ، انتشار اور نفرت پھیلی ،جو پیسہ جلاؤ گھیراؤ میں خرچ کر رہے ہیں وہ سیلاب متاثرین کی بحالی پر لگا دیتے، یہ وہ فسطائی شخص ہے جس نے سیلاب متاثرین کی امداد پر سیاست کی، عمران خان کی وجہ سے آج سکول اور ہسپتال کے راستے بند ہیں ، چار سال عوام کی دوائی بند کرنے والا آج مریضوں کے راستے بند کر رہا ہے، ایک طرف عوامی خدمت دوسری طرف انتشار، فتنہ کی سیاست ہے،مکار فریبی جعلساز شخص نے ہوس اقتدارمیں قومی مفادات کو داؤپر لگایا،
دوسری جانب پیپلز پارٹی کی رہنما، وفاقی وزیر شازیہ مری کا کہنا ہے کہ عمران خان پر حملے کی تمام سیاسی قیادت نے مذمت کی ہے، عمران حملے میں زخمی تھے انہیں ڈیڑھ سو کلو میٹر دور لے جانے پر سوال تو اٹھیں گے گولیاں اوپر سے گزر کر ٹانگیں زخمی کرتی ہیں حیرت انگیز بات ہے، لگتا ہے عمران نیازی چاہتے ہی نہیں کہ حادثے کی تحیقیقات ہوں، 27 دسمبر 2007 کو پاکستان کھپے کا نعرہ لگاکر آصف علی زرداری نے پاکستان بچایا، دوسری طرف عمران بغیر ثبوت کے بدلہ لینے پر اکسا رہا ہے،عمران خان کا رویہ غیرزمیدارانہ اور افسوس ناک ہے
علاوہ ازیں پیپلز پارٹی کے پنجاب میں پارلیمانی لیڈر حسن مرتضیٰ کا کہنا ہے کہ سیاسی یتیموں کا رانگ مارچ آج پھر سے ڈھٹائی اور گمراہی کے راستے پر نکلے گا۔ چار بیگناہوں کا خون پینے کے بعد خونی مارچ تازہ دم ہوکر نکلے گا۔کُرسی کا پُجاری خود وہیل چئیر پر آرام کرے گا جب کہ کارکنان سڑکوں کی خاک چھانیں گے۔عمران نیازی گُجرات کے چوہدریوں کی علاوہ اب کسی کا لاڈلا نہیں رہا۔ پنجاب کی سڑکیں بند، تعلیمی ادارے بند، کاروبار بند، پرویز الہیٰ نے پنجاب کو بند گلی میں پہنچا دیا۔پنجاب پولیس اور بیوروکریسی عوامی تکلیف کا خیال کریں اور پنجاب کی شاہراہوں کو مظاہرین سے واگزار کروائیں۔
واضح رہے کہ تحریک انصاف آج دوبارہ وزیرآباد سے لانگ مارچ کرنے جا رہی ہے، لانگ مارچ کی قیادت شاہ محمود قریشی کریں گے جبکہ عمران خان ویڈیو لنک کے ذریعے شرکاء سے خطاب کریں گے، اسد عمر فیصل آباد سے مارچ کی قیادت کریں گے، تمام شہروں میں لانگ مارچ کے حوالہ سے سیکورٹی کے سخت انتظامات کئے گئے ہیں، پولیس کی بھاری نفری تعینات کی گئی ہے لانگ مارچ کے لئے نیا کینٹینر بھی تیار کر لیا گیا ہے
شوکت خانم میں عمران خان کا علاج جاری ہے،میڈیکل رپورٹس تسلی بخش قرار دے دی
شوکت خانم کے باہر سے مشکوک شخص گرفتار
جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا
پاکستان کو ایک مرتبہ پھر انتہا پسندی اور مذہبی جنونیت کا سامنا
تحریک انصاف کا احتجاج، راستے بند، شہریوں کی زندگی اجیرن
ویڈیو:عمران خان پر حملہ کرنیوالا ملزم گرفتار،عمران خان کیسے آئے باہر؟
