عالمی میڈیا پاکستان کےخلاف پراپیگنڈہ کرنےسے بازآجائے، زلفی بخاری نےبرطانوی اخبارکو تفتان سےمتعلق جھوٹی خبرپرجھاڑ پلا دی
اسلام آباد: عالمی میڈیا پاکستان کےخلاف پراپیگنڈہ کرنے سے بازآجائے ، زلفی بخاری نےبرطانوی اخبار کو تفتان سے متعلق جھوٹی خبر پرجھاڑ پلا دی،اطلاعات کےمطابق وزیر اعظم کے معاون خصوصی زلفی بخاری نے برطانوی اخبار کی خبر پر رد عمل دیتے ہوئے کہا ہے کہ دی گارڈین نے تحقیق کرنے کی بجائے سنی سنائی بات کو خبر بنانے کی بھونڈی کوشش کی۔
A hatchet job by @guardian with misreported hearsay based story.
They didn’t bother to go on ground & report facts like it should be done for any calamity stricken or war zone.
Good job by Balochistan gov for calling them out on it,perhaps they focus more on UK for the time being https://t.co/fFS4sO0ef6— Sayed Z Bukhari (@sayedzbukhari) March 21, 2020
ذرائع کے مطابق کرونا وائرس کے معاملے پر دی گارڈین کی خبر پر وزیر اعظم کے معاون خصوصی زلفی بخاری نے رد عمل ظاہر کرتے ہوئے اسے جھوٹا قرار دیا، زلفی بخاری کا کہنا تھا کہ اخبار نے کوئی تحقیق نہیں، سنی سنائی بات کو خبر بنا دیا۔
ان کا کہنا تھا کہ خبر لگانے سے قبل زمینی حقائق جاننے کی کوشش ہی نہیں کی گئی، آفت یا جنگ زدہ علاقوں کی رپورٹنگ کے لیے زمینی حقائق جاننا ضروری ہوتا ہے، بلوچستان حکومت نے بھی جھوٹی خبر کی نشان دہی کر کے بہترین کام کیا، اخبار کو فی الاحال برطانیہ کے حالات پر توجہ مرکوز کرنے کی ضرورت ہے۔
خیال رہے کہ اخبار نے 100 سے زائد زائرین کی ایران سے بلوچستان میں داخل ہونے کی خبر دی تھی، جس میں لکھا گیا تھا کہ زائرین رشوت دے کر ایران سے بلوچستان داخل ہوئے، اس پر وزیر اعلیٰ بلوچستان جام کمال نے بھی رد عمل دیا اور کہا برطانوی اخبار کے صحافی نے دورہ کیے بغیر تفتان سے متعلق جھوٹی خبر شائع کی، خبر کے ساتھ جو تصویر لگائی گئی وہ تفتان کی نہیں کوئٹہ کی ہے۔
اس سے پہلے بلوچستان کے وزیر اعلیٰ جام کمال نے بھی برطانوی اخبارکی جھوٹی خبرسخت ناراضگی کا اظہارکیا ان کا کہنا تھا اخبار نے بے بنیاد خبر کے ذریعے گمراہ کن پراپیگنڈا کیا۔
