بجلی کا بل زیادہ آنے پر دوبھائیوں میں جھگڑا،فائرنگ سے ایک شخص جاں بحق

مظفرگڑھ میں بجلی کا بل زیادہ آنے پر 2 بھائیوں میں جھگڑا ہوگیا،بھائیوں کے جھگڑے کے دوران ہونے والی فائرنگ کی زد میں آکر ایک شخص جاں بحق ہوگیا.واقعے کے بعد ملزم فرار ہونے میں کامیاب ہوگیا.مظفرگڑھ کے نواحی علاقے شاہجمال میں گھر کا بجلی کا بل زیادہ آنے پر 2 بھائیوں مشتاق اور رزاق کے درمیان جھگڑا ہوگیا،اس دوران رزاق کا سالا اشفاق دونوں بھائیوں کو چھڑانے آیا تو مشتاق نامی بھائی نے فائرنگ کردی،فائرنگ کی زد میں آکر اشفاق موقع پر ہی جاں بحق ہوگیا.واقعے کے بعد ملزم فرار ہونے میں کامیاب ہوگیا،پولیس کیمطابق
مشتاق اور رزاق نامی دونوں بھائی ایک ہی گھر میں رہتے تھے اور بجلی کا بل زیادہ آنے پر دونوں بھائیوں میں جھگڑا ہوا تھا.مرنے والے شخص اشفاق کی لاش پوسٹ مارٹم کے لیے ہسپتال منتقل کردی گئی جبکہ ملزم فرار ہونے میں کامیاب ہوگیا.تھانہ شاہجمال پولیس کیمطابق واقعے کا مقدمہ درج کیا جارہا ہے.