بس اور موٹر سائیکل رکشہ کے مابین خوفناک تصادم،5افراد جاں بحق،2زخمی

مظفر گڑھ میں میں بس اور موٹر سائیکل رکشہ کے مابین تصادم کے نتیجے میں 5 افراد جاں بحق اور 2 افراد زخمی ہوگئے،واقعہ کے خلاف جاں بحق ہونے والے افراد کے ورثاء نے احتجاج شروع کردیا.مظفرگڑھ کی تحصیل کوٹ ادو کے علاقے چوک سرور شہید کے قریب بس اور موٹر سائیکل رکشے میں تصادم ہوگیا،ریسکیو کیمطابق حادثے میں رکشے میں سوار 5 افراد جاں بحق اور2 افراد زخمی ہوگئے.ریسکیو کیمطابق حادثہ کراچی سے مانسہرہ جانے والی بس کی تیز رفتاری کے باعث پیش آیا.مرنے والے افراد میں 4 مرد اور ایک خاتون شامل ہے.ریسکیو 1122 کی جانب سے زخمیوں کو ہسپتال منتقل کیا جارہا ہے.دوسری جانب واقعے کیخلاف جاں بحق ہونے والے افراد کے ورثاء کا میانوالی روڈ پر احتجاج کرتے ہوئے روڈ کو ٹریفک کے لیے بلاک کردیا ہے.