جسٹس عظمت سعید کا 27 اگست کو آخری دن ، کہاں ؟ اور پھر کیا ہوگا ؟

اسلام آباد:سپریم کورٹ کے سنیئر ترین جج جسٹس عظمت سعید بھی اپنی مدت ملازمت پوری کرنے والے ہیں اور وہ 27 اگست کو ریٹائر ہو جائیں گے۔ جسٹس عظمت سعید کے اعزاز میں فل کورٹ ریفرنس اسی دن ساڑھے گیارہ بجے سپریم کورٹ میں منعقد ہوگا۔

ذرائع کے مطابق سپریم کورٹ کی طرف سے جاری اعلامیے میں کہا گیاہے کہ فل کورٹ ریفرنس میں ججز سمیت سینئر وکلا شریک ہونگے۔جسٹس عظمت سعید شیخ نے سپریم کورٹ میں لگ بھگ 7سال خدمات انجام دی ہیں ۔ اس دوران انہوں نے مشہور زمانہ پاناما مقدمے سمیت لاتعداد مقدمات کی سماعت کے بعد اہم فیصلے دیے ہیں۔

ذرائع ابلاغ کے مطابق 29جولائی 2012 سے 12سال قبل جسٹس شیخ عظمت سعید لاہور ہائی کورٹ کے واحد چیف جسٹس تھے جو تقریبا چھ ماہ ہی ہائی کورٹ کے چیف جسٹس رہ سکے۔جسٹس عظمت سعید شیخ نے یکم جون 2012 کو سپریم کورٹ میں بطور جج حلف اٹھایا ۔ اس وقت کے چیف جسٹس پاکستان جسٹس افتخار محمد چوہدری نے ان سے حلف لیا تھا۔