تہران: خلیج میں ایران اور مخالف قوتوں کے خلاف کشیدگی بڑھنے لگی . ایران نے ایک غیر ملکی آئل ٹینکر پکڑنے کادعویٰ کیا ہے۔ ایرانی حکام کا دعویٰ ہے کہ بحری جہاز چوری شدہ تیل اسمگل کررہا تھا۔ بحری جہاز کو آبنائے ہرمز سے پکڑا گیا۔
تہران سے آنے والی اطلاعات کے مطابق ایرانی پاسدارا انقلاب نے غیر ملکی آئل ٹینکر کو آبنائےہرمز سے اتوار کے روز پکڑا اور عملے کے 12ارکان کو گرفتار کرلیا۔ایرانی حکام کا دعویٰ ہے کہ آئل ٹینکر چوری شدہ تیل اسمگل کررہا تھا اور ایرانی تیل چوری کرنے کی اجازت نہیں دی جائے گی۔
دوسری طرف عرب ٹی وی کے مطابق ایران نے خراب ہونے والے پاناما کے آئل ٹینکر کو دوسرے بحری جہاز کے ذریعے ٹو کرکے اپنی پورٹ پر کھڑا کیا تھا اور بعد میں اسے ضبط کردیا۔یاد رہے کہ اس سے پہلے ایران کی بھی آئل ٹینکر کو قبضے میں لینے کی تردید کرچکا ہے.
