فیصل آباد پچھلے دو ماہ سے ٹرانسفارمر خراب ہونے کی وجہ سے بجلی کی سپلائی معطل ہونے کے باوجود 3 ہزار سے زائد کا بل بھیج دیا گیا

0
29

فیصل آباد (محمد اویس) تفصیلات کے مطابق فیصل آباد الیکٹرک سپلائی کمپنی (فیسکو) نے کنزیومر کو بجلی بند ہونے اور ٹرانسفارمر خراب ہونے کے باوجود 3 ہزار سے زائد کا بل فیول پرائس ایڈجسمنٹ کی مد میں بھیج دیا ۔ اس حوالے سے صارف کا کہنا تھا کہ میری فیکٹری دو ماہ سے بند ہے اور ٹرانسفارمر بھی خراب ہے جس کی وجہ سے بجلی بھی معطل ہے ۔ بجلی کی کھپت نہ ہونے کے باوجود بل کا آنا سمجھ سے بالاتر ہے ۔ بجلی ہم نے جولائی میں چلائی ہے اور اس کا بل مجھے اکتوبر میں آرہا ہے جس وقت میں ٹرانسفارمر کی قیمت ڈیمانڈ نوٹس کی مد میں جمع کرواچکا ہوں اور کاروبار بند ہونے کی وجہ سے ذہنی و مالی مشکلات کا شکار ہوں۔ ایسے میں اس طرح کے بل کی ادائیگی کرنا میرے لیے قدرے مشکل ہے ۔ حکومت کو اس طرح کی ناانصافیوں کو ختم کرنا ہوگا ۔

Leave a reply