لیه ۔ کشمیریوں سے اظہار یکجہتی کے لیے ریلی کا انعقاد

لیه ۔ محکمہ تعلیم کے زیر اہتمام کشمیریوں سے اظہار یکجہتی کے لیے کشمیری ریلی کا انعقاد۔
ریلی گھوڑا چوک سے شروع ہو کرٹی ڈی اے چوک تک پہنچ کر اختتام پذیرہوئی ۔
ڈپٹی کمشنر ذیشان جاوید،ایم پی اے محمدطاہر رندھاوا،سی ای او تعلیم محمود حسین ملک،اے سی لیہ نیا ز احمد مغل،ڈی ای اوشاہدہ پروین،ڈی ایس پی ٹریفک شاہدہ نسرین،ضلعی افسران،طالبات ومیڈیانمائندگان کی ریلی میں بھرپور شرکت۔شرکاءنے ”کشمیریوں پر ظلم بندکرو ،مقبوضہ کشمیر میں انصاف خاموش کیوں،”کشمیر میں بھارتی جارحیت غیر قانونی“اور دیگر تحریروں پر مشتمل بینرز اور پلے کارڈز اٹھارکھے تھے ۔
ڈپٹی کمشنر ذیشان جاوید۔ایم پی اے لاله طاہر رندھاوا ۔ سی ای او تعلیم محمودحسین ملک نے کہا کہ کرفیو میں محصور کشمیریوں کی آخری سانس تک حمایت جاری رکھی جائے گی۔
کشمیر کی آزادی کا سورج طلوع ہونے والا ہے۔کشمیریوں کو انصاف کی فراہمی تک تنہا نہیں چھوڑیں گے ۔کشمیرکی آزادی تک ان کی حمایت میں آواز بلند کرتے رہیں گے۔کشمیر میں انسانیت سوز کارروائیاں بندکرائی جائیں ۔ آزادی کشمیریوں کا حق ہے جسے کوئی طاقت سلب نہیں کر سکتی ۔آخر میں امن وسلامتی،قومی یکجہتی اور کشمیرکی آزادی کی دعا بھی کی گئی۔