چارسدہ : خیبرپختونخواہ بار کونسل کے ہدایات پر صدر ڈسٹرکٹ بار ایسوسی ایشن چارسدہ مجیب الرحمن ایڈوکیٹ کی زیر قیادت ضابطہ دیوانی میں عوام دشمن ترامیم کے خلاف مردان روڈ پر ایک احتجاجی ریلی نکالی گئی۔
صدر ڈسٹرکٹ بار ایسوسی ایشن چارسدہ مجیب الرحمن ایڈوکیٹ نے مظاہرے سے خطاب کرتے ہوئے کہا کہ اس قسم کے ترامیم سے عوام پر زیادہ بوجھ پڑے گا، اور ان کی مشکلات میں اضافہ ہوگا۔
ان کا مزید کہنا تھا کہ ان ترامیم کے وجہ سے کیسوں کے حل میں مزید مسائل پیدا ہونگے، اور مطالبات کے منظوری کیلئے ہر حد تک جائینگے۔
اس موقع پر جنرل سکرٹری ڈی بی اے عالمزیب خان ایڈوکیٹ اور بار کے دیگر عہدیداران بھی موجود تھے۔
چارسدہ ڈسٹرکٹ بار کا مطالبات کے حق میں مظاہرہ
