روم: ایک سالہ بچہ بغیر والدین کے اکیلا ہی بحیرہ روم عبور کر کے اٹلی پہنچ گیا۔
باغی ٹی وی :غیر ملکی میڈیا کے مطابق والدین کی جانب سے اپنے ایک سالہ بچے کو بحیرہ روم جانے والی مہاجرین کی کشتی میں سوار کیا گیا تھا تاہم وہ خود کسی وجوہ کی بنا پر کشتی میں سوار نہ ہو سکے۔
7 سالوں میں 45 ہزار سے زائد افراد ہجرت کی کوشش میں ہلاک:اکثریت بے بس مسلمانوں کی
رپورٹس کے مطابق کشتی کے ذریعے 500 سے زائد مہاجرین اٹلی کے جزیرے لیمپیڈوسا پہنچے جنہیں پہنچتے ہی پولیس نے تحویل میں لے کر حفاظتی مرکز منتقل کر دیا گیا جہاں ان سے تفتیش کی گئی۔
غیر قانونی طور پر اٹلی پہنچنے والی مہاجرین کی کشتی 7 جزیروں سے ہوتے ہوئے پہنچی جبکہ بچے سے متعلق مسافروں نے بتایا کہ بچے کے والدین اسے کشتی میں چھوڑ گئے تھے اور بچے کا خاص خیال رکھنے کی درخواست کی تھی تاہم ہو سکتا ہے کہ بچے کے والدین کو کشتی میں سوار ہونے نہ دیا گیا ہو۔
کورونا وبا: مزید 2 افراد جاں بحق،260 نئے کیسز رپورٹ
مسافروں نے دوران تفتیش سیکیورٹی اہلکاروں کو بتایا کہ وہ بچے اور اس کے والدین سے متعلق کچھ نہیں جانتے تاہم ہو سکتا ہے والدین نے اپن بچے کو بہتر مستقبل کے لیے بحیرہ روم کی طرف روانہ کیا ہوا ریسکیو اہلکاروں ںے بچے کو اسپتال منتقل کیا جہاں ڈاکٹروں نے اس کی صحت کو بہتر قرار دیا۔