سی پیک کی 10ویں سالگرہ پر مرکزی بینک نے ایک بہترین اقدام اٹھایا ہے جس کے تحت 100 روپے کا یادگاری سکہ تیار کرلیا گیا ہے جبکہ یہ سکہ گول شکل میں ہے اور یہ سکہ آج بینکنگ سروسز کارپوریشن کے ایکسچینج کاؤنٹرز کے ذریعے جاری کیا جائے گا۔ تاہم سکے کا قطر تیس ملی میٹر اور وزن تیرہ اعشاریہ پانچ گرام ہے۔
علاوہ ازیں سکے میں تانبا پچھتر فیصد اور نکل پچیس فیصد ہے، سکے کی اصل قیمت جلی ہند سے میں سو ، اور اردو رسم الخط میں روپیہ کے دائیں اور بائیں جانب لکھا گیا ہے۔ جبکہ دوسری جانب ملکی زرمبادلہ کے ذخائر 13.33 ارب ڈالر ہوگئے ہیں ۔
خیال رہے کہ اسٹیٹ بینک کی جانب سے جاری کردہ اعداد و شمار کے مطابق 4 اگست 2023 کو سٹیٹ بینک کے پاس زرمبادلہ کے ذخائر کا حجم 8.04 ارب ڈالر اور کمرشل بینکوں کے پاس زرمبادلہ کے ذخائر کا حجم 5.29 ارب ڈالر ریکارڈ کیا گیا۔ تاہم گزشتہ ہفتہ کے دوران زرمبادلہ کے ذخائر میں 110 ملین ڈالر کی کمی ہوئی ہے.
اُدھر ملک بھر میں سونے کی قیمت میں سینکڑوں روپے کا اضافہ ریکارڈ کیا گیا ہے جبکہ عالمی منڈی میں سونے کی فی اونس قیمت میں 4 ڈالر کی کمی ہوئی جس کے بعد قیمت 1924 ڈالر کی سطح پر پہنچ گئی۔ عالمی مارکیٹ میں قیمتیں کم ہونے کے باوجود ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالہ، فیصل آباد، ملتان، راولپنڈی سمیت دیگر جگہوں پر فی تولہ سونے کی قیمت میں 600 روپے اضافہ ریکارڈ کیا گیا اور قیمت 2 لاکھ 22 ہزار 800 روپے کی سطح پر پہنچ گئی۔
مزید یہ بھی پڑھیں؛
پاکستان کے حوالے سےامریکا پر لگائے جانے والے الزامات جھوٹے ہیں،امریکی محکمہ خارجہ
چین:سیاحتی مقام پر دریا میں اچانک سیلابی ریلا آگیا،کئی افراد بہہ گئے
ڈالر کی قیمت میں ایک بار پھراضافہ
گیسٹ ہاؤس کی آڑ میں قحبہ خانہ،5 خواتین سمیت 11 ملزمان گرفتار
نئے چئیرمین نیپرا نے چارج سنبھال لیا
پشاور ہائیکورٹ میں اے پی ایس واقعے کے متعلق کیس کی سماعت
انجرڈ پرسنز میڈیکل بل؛ مریض کو پوچھا تک نہیں جاتا. سینیٹر مہر تاج
جبکہ دوسری جانب دس گرام سونے کی قیمت میں 514 روپے اضافہ ریکارڈ کیا گیا ہے جس کے بعد نئی قیمت 1 لاکھ 91 ہزار 105 روپے کی سطح پر پہنچ گئی۔
