مسافر کے پیٹ سے چرس کے 110 کیپسول برآمد

اسلام آباد ایئرپورٹ سے منشیات اسمگلنگ کی کوشش ناکام بنادی گئی۔منگل کی صبح ائیرپورٹ سیکورٹی فورس نے چرس سے بھرے کیپسول نگل کر بحرین جانے والے ملزم کو گرفتار کرلیا۔سیکورٹی حکام کا کہنا ہے کہ وہ اس معاملے کی مکمل تحقیقات کرکے اصل مجرم تک پہنچیں گے

خیبر پختونخوا کے قبائلی ضلع خیبرسے تعلق رکھنے والے ملزم نے 110 چرس بھرے کیپسول نگل رکھے تھے۔ ملزم کو اسپتال منتقل کرکے چرس سے بھرے کیپسول برآمد کر لئے گئے۔

اے اين ايف نے بتایا کہ ملزم سے برآمد کیپسولز سے636 گرام چرس برآمد کرلی گئی۔ملزم کے خلاف ایف آئی آر درج کرکے تفتیش شروع کردی گئی ہے۔

یاد رہے کہ جون کے مہینے میں بھی ایک ایسا ہی کیس سامنے آیا تھا جس میں بحرین جانے والے مسافر کے پیٹ سے ہیروئن بھرے کیپسول برآمد ہوئے تھے ، وفاقی دارالحکومت کے بین الاقوامی ہوائی اڈے پر گلف ائرلائن کی پرواز سے بحرین جانے والے مسافر کے پیٹ سے منشیات بھرے کیپسول برآمد ہوئے

اس وقت پولیس کا کہنا تھا کہ بلال نامی مسافر اسلام آباد انٹرنیشنل ائرپورٹ سے گلف ائرلائن کی پرواز نمبر جی ایف 771 کے ذریعے سفر کرنے والا تھا کہ تلاشی کے دوران اس کے پیٹ سے 33 اور شیمپو کی بوتل میں چھپائے گئے 66 ہیروئن سے بھرے کیپسول برآمد ہو گئے۔ذرائع کے مطابق کیپسولوں سے مجموعی طور پر 788 گرام ہیروئن برآمد ہوئی تھی

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس