مسجد پر حملہ، فائرنگ سے 18 افراد جاں بحق
![](https://baaghitv.com/wp-content/uploads/2021/10/5-Killed-18-Abducted-in-Nigeria-Mosque-Attack.jpg)
ماشیگو:مسجد پر حملہ، فائرنگ سے 18 افراد جاں بحق ،اطلاعات کے مطابق نائیجیریا کے شمالی علاقے میں ایک مسجد پر صبح سویرے نماز کے دوران مسلح افراد نے حملہ کر کے کم از کم 18 نمازیوں کو جاں بحق کر دیا۔
غیر ملکی خبر رساں ادارے اے پی کی رپورٹ کے مطابق یہ حملہ ملک کی ریاست نائیجر کے علاقے ماشیگو کے گاؤں مزکوکا میں ہوا۔
حملہ آورجن کا تعلق خانہ بدوش چرواہے فولانی خاندان سے بتایا جارہا ہے، فائرنگ کے بعد فرار ہونے میں کامیاب ہو گئے۔
واضح رہے کہ اسی طرح کا نسلی تشدد، جس کی وجہ سے رواں سال اب تک سینکڑوں افراد ہلاک ہو چکے ہیں، پانی اور زمین تک رسائی پر کئی دہائیوں سے جاری تنازع کا نتیجہ ہے۔
ذرائع کے مطابق ماشیگو کے بلدیاتی حکومت کے چیئرمین الحسان عیسیٰ نے اے پی کو بتایا کہ مسلح افراد نے مسجد کو گھیر کر اس پر فائرنگ شروع کردی۔اس حملے میں 4افراد زخمی بھی ہوئے ہیں
نائیجر کے پولیس کمشنر نے مونڈے کوریاس نے کہا کہ حملہ گاؤں والوں اور فولانی چرواہوں کے درمیان تنازع سے متعلق تھا۔
تازہ ترین حملہ نائجیریا کے شمال مغربی اور وسطی علاقوں کی ریاستوں میں سیکورٹی کی مخدوش صورتحال کی ایک اور مثال ہے بالخصوص شمال مغرب میں خونریزی میں اضافہ دیکھا گیا ہے۔
متاثرہ کمیونٹیز ایسے علاقوں میں ہیں جہاں پہنچنا مشکل ہے جیسا کہ تازہ ترین مازاکوکا جو ریاستیدارالحکومت سے تقریباً 270 کلومیٹر دور ہے
ایک ہفتہ قبل شمال مغربی ریاست سوکوٹو میں حملہ آوروں نے ایک دیہی علاقے پر حملہ کیا اور 12 گھنٹے سے زائد تک اپنا آپریشن جاری رکھا جس میں کم از کم 40 افراد ہلاک اور بہت سے لوگ بے گھر ہوگئے تھے
ریاست کے پولیس کمشنر نے اعتراف کیا کہ ماشیگو کے ’انتہائی مشکل‘ خطے نے پولیس کے لیے سیکورٹی الرٹ کا تیزی سے جواب دینا مشکل بنا دیا ہے۔