بارسلونا : دیارغیرسے غمناک خبرآگئی :بارسلونا میں آتشزدگی کے نتیجے میں 3 پاکستانی شہری جاں بحق،اطلاعات کے مطابق پولیس کے مطابق شمال مشرقی ہسپانوی شہر بارسلونا میں آتشزدگی کے نتیجے میں تین پاکستانی شہری ہلاک ہوگئے۔
غیر ملکی خبر رساں ادارے اے ایف پی کی رپورٹ کے مطابق پولیس کا کہنا تھا کہ آتشزدگی کے واقعے میں چار افراد زخمی بھی ہوئے۔
پولیس ترجمان نے اے ایف پی کو بتایا یہ آگ شہر کے بارسلونیٹا ضلع میں ایک عمارت کے تہہ خانے میں صبح سویرے لگی جس میں تین افراد جاں بحق ہوگئے۔ ان کا کہنا تھا کہ ‘مرنے والے تینوں افراد کا تعلق پاکستان سے تھا’۔
میئر کے دفتر نے بتایا کہ واقعے میں چار زخمیوں میں سے ایک کی حالت تشویشناک ہے۔پولیس آگ لگنے کی وجوہات جاننے کے لیے تحقیقات کر رہی ہے۔واضح رہے کہ بارسلونا کیٹالونیا خطے کا معاشی مرکز ہے اور جہاں تارکین وطن کی ایک بڑی تعداد مکین ہے۔
خیال رہے کہ اس سے قبل 2 دسمبر 2019 کو وادی اردن میں زرعی زمین پر عارضی رہائش گاہوں پر لگنے والی آگ کے نتیجے میں 8 بچوں سمیت 13 پاکستانی جبکہ متحدہ عرب امارات کے شہر العین میں ایک گھر میں آگ لگنے کے واقعے میں 6 پاکستانی جاں بحق ہوگئے تھے۔
