310 پاکستانی سمندر میں ڈوب گئے،قومی اسمبلی میں آواز پہنچ گئی،تحقیقات کا مطالبہ

قومی اسمبلی اجلاس سپیکر راجہ پرویز اشرف کی زیر صدارت ہوا

مولانا عبدا الکبر چترالی نے نقطہ اعتراض پر بات کرتے ہوئے کہا کہ لیبیا سے یونان جاتے 310 پاکستانی سمندر میں ڈوب گئے،وزیر داخلہ اس حوالے سے ایوان کو اعتماد میں لے، ہمارے ملک کی ایجنسیاں کیا کررہی ہیں؟ واقعہ کی تحقیقات کروائی جائیں، اسپیکر قومی اسمبلی نے واقعہ کا نوٹس لے لیا اور کہا کہ تحقیقات کرکے ذمے داران کو قرار واقعی سزا دی جائے،

قومی اسمبلی میں بجٹ پر بحث جاری،ممبر قومی اسمبلی ریاض الحق نے اظہار خیال کرتے ہوئے کہا کہ 84 اسکیموں پر صرف سو ارب رکھے گئے ہیں آنے والے دس سالوں میں پانی کی اسکیمیں مکمل نہ ہو پائیں گی،مولانا عبدا الکبر چترالی کا کہنا تھا کہ بلوچستان کو جو پانی کا حصہ دینا ہے ابھی منصوبے ہی مکمل نہ ہو سکے ،سندھ میں پانی کے پروجیکٹ کے لئے پندرہ ارب روپے مانگے گئے دادو اور دیگر شہروں کے منصوبوں سے بجلی پیدا ہوگی انفرااسٹرکچر سے پچاس ارب نکال کر پانی کے منصوبوں پر لگایا جائے

پانی تیزی کے ساتھ ہمارے ملک کا مسئلہ بنتا جارہا،ریاض الحق
رکن قومی اسمبلی ریاض الحق کا کہنا تھا کہ بھاشا ڈیم، داسو ڈیم ہماری جاری سکیموں میں سے ہیں اگر اسی رفتار سے چلتے رہے تو مجھے نہیں لگتا کہ ہم آنے والے دس ، پندرہ سالوں میں ہم ان سکیموں کو مکمل کرسکتے ہیں،پانی تیزی کے ساتھ ہمارے ملک کا مسئلہ بنتا جارہا ہے، ہم اس مسئلے کے حل کے لیے تیز رفتاری سے کام نہیں کر رہے،

ضلعی سطح پر مختص ترقیاتی فنڈز کے حوالے سے قرارداد ایوان میں منظور
وفاقی وزیر برائے آبی وسائل سید خورشید احمد شاہ کی طرف سے ضلعی سطح پر مختص ترقیاتی فنڈز کے حوالے سے قرارداد ایوان میں منظورکر لی گئی،وفاقی وزیر نے کہا کہ ضلعی ترقیاتی کاموں کے لیے جو فنڈز مختص کیے جاتے ہیں وہ بجٹ سال ختم ہونے کی وجہ سے کئی بار لیپس ہو جاتے ہیں اس لئے ضروری ہے کہ ان کو ایسے اکاؤنٹ میں رکھا جائے جو لیپس نہ ہو تا کہ جاری شدہ ترقیاتی کاموں کو مکمل کیا جاسکے

باغی ٹی وی کی ویڈیو دیکھنے کے لئے یہاں کلک کریں

بجٹ کا پیسہ عوام کے مسائل حل کرنے کے بجائے اشرافیہ کی نذر ہوجاتا ہے. کیماڑی جلسہ عام سے خطاب

سابقہ حکومت کی نااہلی کا بول کر عوام پر بوجھ ڈالا گیا،ناصر خان موسیٰ زئی