گجرات: حال ہی میں پاکستان میں کئی ایسی شادیوں کے چرچے ہوئے جس میں کبھی سرحد پار بھارت سے لڑکی پاکستان آگئی تو کوئی پاکستان سے بھارت چلی گئی-
باغی ٹی وی: اب سوشل میڈیا پر ایک جوڑے کی شادی کی کافی دھوم ہے جس میں 35 سالہ نعیم شہزاد جو کہ پاکستان کے شہر گجرات سے تعلق رکھتے ہیں، ان کی شادی 6 سال قبل 70 سال سے زائد عمر کی کینیڈین خاتون سے ہوئی۔
نجی ویب سائٹ کو دیئے گئے انٹرویو میں نعیم شہزاد کی اہلیہ نے کہا کہ مجھے نعیم کی عادتیں کافی پسند ہیں، وہ ایماندار اور وفادار شوہر ثابت ہوئے ہیں شادی کے یہ چھ سال بہت اچھے گزرے اور میں ان سے بہت محبت کرتی ہوں۔
چیف جسٹس پاکستان کےحلف کیساتھ سپریم جوڈیشل کونسل اورجوڈیشل کمیشن میں بھی اہم تبدیلیاں
نعیم شہزاد نے بتایا کہ ان کی دوستی 2012 میں فیس بک پر ہوئی تھی، خاتون نے انہیں فرینڈ ریکویسٹ بھیجی اور 2015 میں ان کی اہلیہ نے ہی پہلے محبت کا اظہار کیا اور شادی کی پیشکش کی، ان کی شادی اگست 2017 میں ہوئی تھی لیکن ویزے کے مسئلے کی وجہ سے وہ کینیڈا نہیں جا سکے، جب ان کی دوستی ہوئی تو وہ ذہنی طور پر تھوڑے پریشان تھے، خاتون نے انہیں مکمل سپورٹ کیا جس کی وجہ سے وہ محبت میں گرفتار ہوگئے۔
نعیم شہزاد نے کہا کہ لوگ کہہ رہے ہیں کہ میں نےان سے کینیڈا کی شہریت حاصل کرنےکے لیے شادی کی لیکن ایسا کچھ نہیں ہے، ہمارے اپنے گھر میں اتنا سامان موجود نہیں، بس ضرورت کی چیزیں ہیں، یہ اتنی زیادہ امیر نہیں ہیں، ان کی معقول پنشن آتی ہے جس میں سے یہ اپنا گزارا کرتی تھیں اور کینیڈا سے مجھے بھی پیسے بھیجتی تھیں مجھے اندازہ تھا کہ ساری زندگی اس قسم کی باتیں سننی پڑیں گی، میرے لیے زندگی میں اہلیہ سے بڑھ کر کوئی نہیں،یہ حال ہی میں چھ سال بعد پاکستان آئی ہیں، اب اہلیہ کا ارادہ ہے چھ ماہ یہاں اور چھ ماہ کینیڈا رہیں گی وہ میرے خاندان والوں کی سالگرہ پوچھ کر مجھے بہانے بہانے سے پیسے بھیجتی تھیں۔
نگراں وزیراعلیٰ پنجاب چین کے 5 روزہ سرکاری دورے پر روانہ
نعیم شہزاد نے کہا کہ میں پہلے ویلڈنگ کا کام کرتا تھا لیکن پھر انہوں نے مجھ سے کام چھڑوادیا، اہلیہ نے کہا تھا ڈپلوما کرلو اور پھر کینیڈا آجانا، وہاں اس کا اچھا کام ہے لیکن پھر انہوں نے جب دیکھا ویلڈنگ کے کام میں کتنی دھول مٹی ہے تو انہوں نے کہا چھوڑو اسے، جتنی تمہیں تنخواہ ملتی ہے وہ میں دوں گی گھر والوں نے اہلیہ کو قبول کرلیا ہے لیکن والد تاحال تھوڑے ناراض ہیں، مجھے اپنی بیگم کی ہر بات پسند ہے، مجھے اس کی ہر ادا میں کیوٹنس نظر آتی ہے۔
نعیم شہزاد نے لوگوں کو پیغام دیا کہ زندگی میں کبھی بھی شادی کا فیصلہ پیسہ دیکھ کر نہ کریں، یہ دیکھیں کہ آپ اپنے جیون ساتھی کے ساتھ خوش رہ سکیں گے یا نہیں، یہ دیکھیں کہ آپ کو محبت ہو۔
اٹلی میں فوجی مشقوں کے دوران طیارہ سڑک پر گرگیا، کار سوار خاندان زد میں …
