خاتون نے بچے کو جنم دینے کے 15 منٹ بعد قتل کردیا

دبئی میں خاتون نے بچے کو جنم دینے کے 15 منٹ بعد قتل کردیا۔

باغی ٹی وی : خلیج ٹائمز کے مطابق 28 سالہ خاتون کو اپنے بچے کی پیدائش کے 15 منٹ بعد جان بوجھ کر قتل کرنے کے جرم میں سات سال قید کی سزا سنائی گئی ہے –

گجرات میں پاکستانی نژاد ہسپانوی بہنوں کے قتل میں ملوث ملزمان گرفتار

رپورٹ کے مطابق خاتون نےکچرے کے ڈھیر میں پھینکنے کی کوشش کرنے سے پہلے بچے کی لاش کو تین دن تک ایک تھیلے میں رکھا۔

ایک نوجوان کا کہنا تھا کہ خاتون کی گرفتاری سے چند دن پہلے، اس نے عمارت سے ایک عورت کی چیخیں سنی جیسے کہ درد زہ میں ہوں تاہم تین دن بعد عمارت کے کوریڈور میں عورت کو بیگ اٹھاتے ہوئے دیکھا اور مدد کی پیشکش کی۔

بعد ازاں یہ نوجوان خاتون کو ٹیکسی تک لے گیا جہاں عورت نے اسے بتایا کہ وہ بیگ کو کسی اور علاقے میں ٹھکانے لگانے کا منصوبہ بنا رہی ہے-

نوجوان نے پھر اسے اپنے کمرے میں واپس آنے کو کہا اور اس سے وعدہ کیا کہ وہ اس کے بجائے اس کا یہ کام کرے گا تاہم نوجوان نے پولیس کو اطلاع دی جس کے بعد کارروائی کرتے ہوئے پولیس نے چند منٹوں میں خاتون کو گرفتار کرلیا ۔

سیلفی کا جنون، نوجوان لڑکی 50 فٹ بلندی سے گر کر جان سے ہاتھ دھو بیٹھی

خلیج ٹائمز کے مطابق پولیس کے سامنے اپنے اعترافی بیان میں خاتون نے کہا کہ اس کا ایک غیر ازدواجی تعلق تھا جس کے نتیجے میں وہ حاملہ ہوئی اور اس نے الریگا میں اپنی مشترکہ رہائش گاہ میں بچے کو جنم دیا۔

رپورٹ کے مطابق تاہم پیدائش کی کچھ دیر بعداس نے اپنے روتے ہوئے بچے کو بستر پرلٹایا اور تکیے سے دم گھونٹ کر مار ڈالا اور تین دن تک لاش کو اپنے کمرے میں چھپا کر رکھا تاہم بعد میں اسے ایک بیگ میں چادر سے ڈھانپ کر پھینکنے کی کوشش کی۔

خاتون کے اعترافی بیان کے بعد دبئی پولیس نے اسے گرفتار کیا اور اسے سات سال قید کی سزا سنائی گئی سزا کی مدت پوری کرنے کے بعد اسے ملک بدر کر دیا جائے گا۔

ماڈٌل ٹاؤن میں پی ٹی آئی ایکٹیوسٹ کے گھر چھاپہ،دوران فائرنگ پولیس اہلکار…