اٹلی: اٹلی: کرونا سے ہلاکتیںجاری ،لوگوں کوبچانے والے ڈاکٹرزبھی مرنے لگے،مرنے والے افراد کی لاشیں فوجی ٹرکوں پر لے جانے کے اندوہناک مناظر،اطلاعات کے مطابق اٹلی میں کرونا سے ہلاکتوں کاسلسلہ جاری ہے اورکرونا وائرس کی زدمیں نہ صرف عام شہری آئے ہیں بلکہ ڈاکٹرز بھی آرہے ہیں
ادھر ذرائع کےمطابق اٹلی میں کرونا وائرس کی زد میں آنے والے لوگوں کا علاج معالجہ کرنے والے 2629 محکمہ صحت کے ملازم بھی کرونا کی زد میں آگئے ہیں ، جن میں سے 5 بڑے ڈاکٹرز بھی کرونا کے باعث جان سے ہاتھ دھو بیٹھے ہیں
اٹلی میں کرونا وائرس کے نتیجے میں بڑے پیمانے پر جانوں کا ضیاع ہو رہا ہے۔ اٹلی میں کرونا سے مرنے والے لوگوں کی لاشیں ٹرکوں پرلاد کرآبادی سے دور لے جائے جاتی ہیں اور نہیں آگ لگا کر راکھ کردیا جاتا ہے۔
اٹلی میں لوگوں نے اپنے گھروں کی کھڑکیوں سے ایک ہولناک منظر دیکھا۔ فوج کرونا سے ہلاک ہونے والے 60 افراد کی لاشیں فوجی ٹرکوں میں ڈال کر انہیں نذرآتش کرنے کے لیے لے جا رہی تھی۔ سوشل میڈیا پر اٹلی میں فوجی گاڑیوں کے ایک قافلے کو ایک شاہراہ عام سے گذرتے دیکھا جا سکتا ہے۔ یہ مناظر شمالی اٹلی کے کرونا سے متاثرہ علاقے لومبیارڈیا کے شہر ‘برگامو’ کے ہیں۔ برگامو کرنا سے سب سے زیادہ مثار ہوا ہے۔
کرونا وائرس سے ہلاک ہونے والےلوگوں کو جلا کر راکھ کردیا جاتا ہے اور ان کی لاشوں کی راکھ کی ایک مٹھی ان کے لواحقین کو دی جاتی ہے۔اٹلی میں کرونا سے مرنے والوں کی کسی قسم کی مذہبی طریقےسے تدفین نہیں ہوسکتی اور نہ ہی ان کی آخری رسومات ادا کی جاتی ہیں۔ فوج کی نگرانی میں کرونا سے مرنےوالوں کی لاشیں تلف کردی جاتی ہیں۔
ایک منٹ سے بھی کم دورانیے کی ویڈیو بدھ کے روز سامنے آئی تھی۔ اٹلی میں جمعرات کے روز مزید 475 افراد کرونا کے باعث ہلاک ہوگئے جس کے بعد اب تک کرونا سے اٹلی میں 3 ہزار اموات ہوچکی ہیں۔
عینی شاہدین کا کہنا ہے کہ انہوں نے ایک قبرستان میں کرونا سے ہلاک ہونے والے افراد کی لاشوں کو آگ میں جلاتے دیکھا۔ جمعرات کو ایک شخص نے بتایا کہ گذشتہ روز ایک قبرستان میں 31 اور دوسرے میں 10 لاشیں نذرآتش کی گئیں۔
