شمالی اور جنوبی وزیرستان میں سیکیورٹی فورسز اور دہشت گردوں کے درمیان خون ریز جھڑپیں ہوئی ہیں اور دونوں جھڑپوں میں 6 دہشت گرد ہلاک ہوگئے ہیں جبکہ فائرنگ سے پاک فوج کے 4 جوان بھی شہید ہوئے ہیں واضح رہے کہ پاک فوج کے شعبہ تعلقات عامہ کے مطابق جنوبی وزیرستان میں فورسز کی دہشت گردوں سے 2 جھڑپیں ہوئیں، پہلی جھڑپ شمالی وزیرستان کے علاقے گھڑ یوم میں ہوئی ہے۔
خیال رہے کہ سیکیورٹی فورسز نے دہشت گردوں کے ٹھکانے کو نشانہ بنایا، گھڑیوم میں جھڑپ کے دوران 6 دہشت گرد مارے گئے جبکہ ہائی ویلیو ٹارگٹ حضرت زمان عرف خوارے ملا بھی ہلاک ہوگیا اور دہشت گردوں سے فائرنگ کے تبادلے میں پاک فوج کے 3 جوانوں نے جام شہادت نوش کیا۔ شہداء میں لانس نائک تبسم الحق، سپاہی نعیم اختر اور سپاہی عبدالحمید شامل ہیں۔
مزید یہ بھی پڑھیں؛
الیکشن سے قبل ساڑھے 700 کروڑ روپے برآمد ہونے پر ہنگامہ مچ گیا
عمران خان کو عہدے سے ہٹانے کی درخواست منظور
نواز شریف کی آمد،چار افراد ایئر پورٹ پر پھول پھینک سکتے،ایوی ایشن کی اجازت
سابق وزیر قانون اور سینیٹر ایس ایم ظفر وفات پاگئے
تاہم دوسری جھڑپ آسمان منزل کے علاقے میں ہوئی ہیں جہاں سے دہشت گردوں کی فائرنگ سے سپاہی فرمان علی نے جام شہادت نوش کیا ہے اور آئی ایس پی آر کے مطابق دہشت گردوں کے خاتمے کے لیے علاقے میں آپریشن جاری ہے۔
