8 سالہ بچی کے ساتھ گلی میں نازیبا حرکات کرنے والا فحش شخص گرفتار

لاہور کے علاقے سمن آباد میں گلزیب کالونی میں درندہ صفت شخص نے 8 سالہ بچی کے ساتھ گلی میں ہی نازیبا اور فحش حرکات شروع کر دیں جسے پولیس نے گرفتارکر لیا ہے-

باغی ٹی وی : تفصیلات کے مطابق اس درندہ صفت شخص کی شناخت نعیم عرف اسلم کے نام سے ہوئی ہے پولیس نے سی ٹی وی کیمرے کی فوٹیج کی مدد سے ملزم نعیم کا سراغ لگا کر اسے گرفتار کرلیاہے اور ملزم کے خلاف مقدمہ درج کر کے تفتیش شروع کردی ہے۔

سوشل میڈیا ویب سائٹ فیس بک پر وائرل ہونے والی ویڈیو میں یہ شخص گلی میں سر عام فحش حرکات میں مصروف رہتا ہے لیکن جیسے ہی ساتھ والے گھر سے ایک شخص نکل کر باہر آتا ہے تو یہ دروازہ کھلنے کی آواز سے چونک جاتاہے اور شریف انسان بن کر اس سے باتیں کرنے لگتا ہے لیکن اس کا یہ مکروہ عمل سی سی ٹی وی کیمرے میں محفوظ ہو گیا جس پر اس شخص کو گرفتار کر لیا گیا-