کراچی :کہیں سیاسی صورت حال کی وجہ سے ہڑتالیںتو کہیں کسی مجبوری کی وجہ سے ہڑتالیں، کراچی سے حيدرآباد جانے والی ايم نائن موٹروے پر کاٹھور موڑ کے قريب فائرنگ سے تین افراد کی ہلاکت کےخلاف گڈز ٹرانسپوٹرز کا احتجاج ختم ہوگيا۔مذاکرات کامياب ہونے پر موٹروے کو ٹريفک کے ليے کھول ديا گيا جب کہ وزيراعلیٰ سندھ نے ايڈشنل آئی جی کو مقدمے کے اندراج کی ہدايت کر دی۔
گزشتہ روز موٹر وے ايم 9 کے لنک روڈ پر مظاہرين پر فائرنگ سے 3 افراد جاں بحق ہوگئے تھے جس کے بعد ٹرانسپورٹرز نے احتجاج کرتے ہوئے موٹر وے 9 گھنٹے تک بند رکھی۔پولیس کے مطابق ٹرانسپوٹرز مطالبات کے حق میں احتجاج کر رہے تھے کہ گولیاں چل گئیں۔ فائرنگ کے نتیجے میں 40 سالہ نیاز علی، 36 سالہ ایوب اور تیسرے جاں بحق شخص کی شناخت رسول خان کے نام سے ہوئی ہے جبکہ زخمیوں ميں شامل ولی اور حمید خان کو بھی اسپتال منتقل کیا گیا۔
دوسری جانب چیئرمین پیپلزپارٹی بلاول بھٹو زرداری نے وزیراعلی سندھ سے واقعے کی رپوٹ طلب کرتے ہوئے ملوث ملزمان کے خلاف کارروائی یقینی بنانے کی ہدایت کر دی ہے۔یہ بھی یاد رہے کہ رینجرز کو اس معاملے کو سنبھالنے کے لیے طلب کیا گیا تھا ، تب جا کر معاملات ٹھیک ہوئے
