آپ یہاں پریس کانفرنس کرنے نہیں آئے، عدالت برہم، حمزہ شہباز نے کیا جواب دیا؟
باغی ٹی وی کی رپورٹ کے مطابق رمضان شوگر ملز کیس کی سماعت احتساب عدالت میں ہوئی، جیل حکام نے پنجاب اسمبلی میں قائد حزب اختلاف حمزہ شہباز کو عدالت میں پیش کیا،نیب نے پنجاب اسمبلی میں اپوزیشن لیڈر حمزہ شہباز کے خلاف رمضان شوگر ملز میں مبینہ کرپشن کے معاملے پر ضمنی ریفرنس دائر کر دیا۔ عدالت نے حمزہ شہباز کے جوڈیشل ریمانڈ میں 28 نومبر تک توسیع کر دی۔
احتساب عدالت کے جج امجد نذیر نے کیس کی سماعت کی، دوران سماعت کمرہ عدالت میں شور ہونے پر عدالت نے حمزہ شہباز پر سخت برہمی کا اظہار کرتے ہوئے ریمارکس دیئے کہ آپ یہاں پریس کانفرنس کرنے نہیں آئے، آپ کورٹ کا ڈیکورم خراب کر رہے ہیں، آپ سیدھا کٹہرے میں آیا کریں۔ حمزہ شہباز نے جواب دیا کہ میں عدالت کا احترام کرتا ہوں لیکن آپکا رویہ مناسب نہیں ہے۔ سلام کا جواب دیتا ہوں جو شرعی حق ہے میں کسی کو ساتھ نہیں لایا
پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے
شہباز شریف کو لائف ٹائم ایوارڈ برائے کرپشن دیا جائے: شہباز گل
حمزہ شہباز کے پروڈکشن آرڈر کے خلاف درخواست دائر
نیب پراسکیوٹر وارث علی جنجوعہ نے بتایا کہ حمزہ شہباز کے خلاف رمضان شوگر ملز کے کیس میں ضمنی ریفرنس دائر کر دیا گیا ہے جو کہ 325 صفحات پر مشتمل ہے۔ دوران سماعت شہباز شریف کے وکلا نے رمضان شوگر ملز اور آشیانہ اقبال ریفرنس میں انکی حاضری معافی کی درخواست جمع کرائی جسے عدالت نے منظور کرلیا۔ عدالت نے استفسار کیا کہ اسمبلی اجلاس کب تک جاری رہے گا جس پر وکیل نے کہا کہ اسپیکر قومی اسمبلی کی مرضی پر منحصر ہے کہ اجلاس کب تک جاری رہتا ہے
حمزہ شہباز کی پیشی کے موقع پر سکیورٹی کے بھی سخت انتظامات کیے گئے تھے اور جوڈیشل کمپلیکس کے اطراف آنے والے راستوں کو کنٹیرز اور خاردار تاریں لگا بند کیا گیا۔
