اسرائیلی فوج کے فلسطینیوں پر مظالم جاری ایک اور حملہ

اسرائیلی فوج کے فلسطینیوں پر مظالم جاری ایک اور حملہ

اسرائیلی فوج نے فلسطینیوں پر حملہ کرتے ہوئے تسلیم کیا ہے کہ انہوں نے ایک فلسطینی کمانڈر کو شہید کر دیا ہہے . منگل کو علی الصبح غزہ شہر میں ایک فضائی حملے میں فلسطینی مزاحمتی تنظیم "اسلامی جہاد” کے عسکری ونگ القدس بریگیڈز کے اہم رہ نما بہاء ابو العطا کو شہید کر دیا گیا۔ یہ حملہ مذکورہ کمانڈر کے گھر پر کیا گیا جو غزہ شہر کے مشرقی حصے میں واقع ہے۔

اسرائیلی فوج کی جانب سے جاری بیان میں بتایا گیا کہ اس کارروائی کی اجازت وزیراعظم بنیامین نیتن یاہو نے دی۔ بیان میں ابو العطاء پر الزام عائد کیا گیا کہ وہ حالیہ عرصے میں اسرائیلی فوج پر راکٹوں، ڈرون طیاروں اور نشانچیوں کے ذریعے حملوں کے ذمے دار رہے۔

دوسری جانب اسلامی جہاد تنظیم نے ایک بیان میں بہاء ابو العطاء اور ان کی اہلیہ کے جاں بحق ہونے کی تصدیق کرتے ہوئے اسرائیل کو ہلا دینے والے جواب کی دھمکی دی ہے۔