جنرل پرویز مشرف سے متعلق فیصلے پر افواجِ پاکستان میں شدید غم و غصہ اور اضطراب

جنرل پرویز مشرف سے متعلق فیصلے پر افواجِ پاکستان میں شدید غم و غصہ اور اضطراب
باغی ٹی وی رپورٹ کے مطابق جنرل پرویز مشرف سے متعلق فیصلے پر افواجِ پاکستان کا ردِ عمل آگیا. ڈی جی آئی ایس پی آر میجر جنرل آصف غفور کے مطابق خصوصی عدالت کے فیصلے پر افواجِ پاکستان میں شدید غم و غصہ اور اضطراب ہے۔ ترجمان پاک فوج نے کہا کہ جنرل پرویز مشرف آرمی چیف، چئیر مین جوائنٹ چیفس آف سٹاف کمیٹی اور صدرِ پاکستان رہے ہیں۔ انہوں نے 40سال سے زیادہ پاکستان کی خدمت کی ہے۔جنرل پرویز مشرف نے ملک کے دفاع کے لیے جنگیں لڑی ہیں۔ کیس میں آیئنی اور قانونی تقاضے پورے نہیں کیے گئے۔

ڈی جی آئی ایس پی آر میجر جنرل آصف غفور نے کہا کہ خصوصی کورٹ کی تشکیل کے لیے قانونی تقاضے پورے نہیں کیے گئے.جنرل پرویز مشرف کو اپنے دفاع کا بنیادی حق نہیں دیا گیا۔ عدالتی کارروائی شخصی بنیاد پر کی گئی۔ کیس کو عجلت میں نمٹایا گیا ہے۔ افواجِ پاکستان توقع کر تی ہیں کہ جنرل پرویز مشرف کو آئین پاکستان کے تحت انصاف دیا جائے گا۔