سعودی وزیر خارجہ کریں گے پاکستان کا دورہ
باغی ٹی وی رپورٹ کے مطابق سعودی وزیر خارجہ فیصل بن فرحان السعود ایک روزہ دورے پر جمعرات کو اسلام آباد پہنچیں گے۔
سفارتی ذرائع کے مطابق سعودی وزیر خارجہ کا دورہ پاکستان انتہائی اہم نوعیت کا ہو گا۔ سعودی وزیرخارجہ اپنے پاکستانی ہم منصب شاہ محمود قریشی اور وزیر اعظم عمران خان سے ملاقاتیں کریں گے۔
واضح رہے کہ ملائیشیا سمٹ میں شرکت سے انکار کے بعد سعودی وزیر خارجہ کے دورہ پاکستان کو انتہائی اہمیت کا حامل سمجھا جا رہا ہے۔
