حمید گل کا ایران امریکہ بارے سوشل میڈیا پر جاری بیان پروپیگنڈہ، عبداللہ گل میدان میں آ گئے، کیا کہا؟
باغی ٹی وی کی رپورٹ کے مطابق سابق آئی ایس آئی چیف جنرل ر حمید گل کے صاحبزادے محمد عبداللہ گل نے کہا ہے کہ مجاہد اسلام جنرل حمید گل رح سے منسوب سوشل میڈیا پر یہ من گھڑت اور جھوٹ بات چل رہی ہے کہ “اگر امریکہ ایران پر حملہ کر دے تو میری قبر پر آکر ۔۔۔کر دینا”
عبداللہ گل کا مزید کہنا تھا کہ اس بات کا نہ ہی کوئی مستند حوالہ ہے اور نہ ہی جنرل صاحب ایسی غیر معیاری زبان استعمال کرتے تھے۔سوشل میڈیا پر جس نے بھی یہ بات کی ہے میں سختی سے مذمت کرتا ہوں۔
مجاہد اسلام جنرل حمید گل رح سے منسوب سوشل میڈیا پر من گھڑت/جھوٹ بات چل رہی ہے کہ “اگر امریکہ ایران پر حملہ کر دے تو میری قبر پر آکر ۔۔۔کر دینا”
اس بات کا نہ ہی کوئی مستند حوالہ ہے اور نہ ہی جنرل صاحب ایسی غیر معیاری زبان استعمال کرتے تھے۔
میں اس پروپیگنڈا کا سختی سے مذمت کرتا ہوں— Abdullah Gul (@MAbdullahGul) January 6, 2020
واضح رہے کہ نجی ویب ٹی وی نے اس حوالہ سے اپنی ایک ویڈیو میں جنرل ر حمید گل کے حوالہ سے بیان نشر کیا تھا جس پر عبداللہ گل کا کہنا ہے کہ ایسی کوئی بات نہیں، اور اگر حمید گل نے ایسی کوئی بات کی تو انکے دور میں تو امریکہ نے ایران پر حملہ نہیں کیا،
واضح رہے کہ بغداد ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے، فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا ہے کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔
بغداد میں امریکی حملے پر ایران کے وزیر خارجہ جواد ظریف نے ردعمل دیتے ہوئے کہا ہے کہ جنرل سلیمانی پر حملہ عالمی دہشت گردی ہے، امریکا کو اس حرکت کے نتائج بھگتنا ہوں گے۔ ایرانی وزیر خارجہ جواد ظریف نے اس حملے کو عالمی دہشت گردی قرار دیا ہے۔ ایران نے انتقام لینے کا اعلان کیا ہے، عراق نے بھی امریکا کی فوج کے انخلا کی قرار داد منظور کر لی ہے جس پر امریکہ نے عراق کو بھی دھمکی دی ہے، پاکستان نے خطے میں امن کے لئے بات چیت سے معاملہ حل کرنے کا کہا ہے، دیگر ممالک نے بھی بات چیت پر زور دیا ہے،
قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟
ایرانی جنرل کو مارنے کے بعد امریکہ نے دی شہریوں کو اہم ہدایات
جنرل قاسم سلیمانی کی شہادت، امریکہ نے خطے کا امن داؤ پر لگا دیا، ایسا کس نے کہا؟
ایرانی جنرل پر امریکی حملہ، چین بھی میدان میں آ گیا، بڑا مطالبہ کر دیا
تیسری عالمی جنگ، امریکا کے خطرناک ترین عزائم، سابق امریکی وزیر خارجہ کے انٹرویو نے تہلکہ مچا دیا
امریکا کے ایرانی جنرل قاسم سلیمانی پر حملے میں ہلاکت کے بعد مشرق وسطیٰ کے حالات کشیدہ ہیں، ایران نے انتقام لینے کی دھمکی دی ہے، امریکی صدر ٹرمپ بھی دھمکی آمیز بیانات دے رہے ہیں، امریکی وزیر خارجہ نے پاکستان اور سعودی عرب سے رابطہ کیا ہے، چین ،پاکستان نے دونوں ممالک کو پرامن رہنے کی اپیل کی ہے اور بات چیت سے معاملہ حل کرنے کا کہا ہے،اسرائیل بھی ہائی الرٹ ہے، امریکا نے چوبیس گھنٹے میں بغداد پر دوسرا حملہ بھی کیا ہے
