نریندر مودی کی ہدایات پر سابق موسیقار اور یونین وزیر پیوش گویل نے ممبئی میں ’متنازع شہریت قانون‘ پر بریفنگ کے لیے ایک اہم اجلاس بلایا تھا تاہم بالی وڈ کے کسی بھی بڑے اداکار یا اداکارہ نے شرکت سے انکار کرکے حکومت کو پریشانی میں ڈال دیا
خبر رساں ادارے ’رائٹرز‘ کے مطابق اہم ترین اجلاس میں شرکت کے لیے بالی وڈ کی 25 نامور شخصیات کو شرکت کے دعوت نامے بھجوائے گئے اور انہیں بتایا گیا کہ ’متنازع شہریت قانون‘ کے حوالے سے بہت ساری غلط معلومات وائرل ہو رہی ہیں اس لیے درست معلومات کے لیے ان کا حکومتی اجلاس میں آنا لازمی ہے
مذکورہ اجلاس 5 جنوری کی شب ممبئی کے ایک نجی ہوٹل میں ہونا تھا جس میں متعدد شخصیات کی شرکت کا امکان تھا تاہم این ڈی ٹی وی کی رپورٹ کے مطابق حکومت کے اجلاس میں کسی بھی معروف بالی وڈ شخصیت نے شرکت نہیں کی
ٹی ی وی کے مطابق اس اجلاس میں ان بالی وڈ شخصیات کو مدعو کیا گیا تھا جو متنازع قانون کے خلاف ہونے والے مظاہروں میں دکھائی دیتے ہیں
بالی ووڈ اداکارہ سویرا بھاسکر کی این آر سی بل کے خلاف بھر پور مذمت
لیکن حکومتی اجلاس میں کسی بھی بڑے معروف اور نامور بالی وڈ اداکار یا اداکارہ نے شرکت نہیں کی سوائے چند ایک جانی پہچانی شخصیات کے
حکومتی اجلاس میں جاوید اختر کنگنا رناوٹ وکی کوشال روینہ ٹنڈن بونی کپور آیوشمن کھرانہ ریچا چڈا اور کبیر خان اور مدھر بھنڈارکر سمیت دیگر معروف شخصیات کو شرکت کی دعوت دی گئی تھی اور ان کے بارے میں خیال کیا جا رہا ےھا کہ یہ اجلاس میں شرکت کریں گے تاہم ان میں سے کوئی بھی شخصیت اجلاس میں شریک نہیں ہوئی
جبکہ موسیقار انو ملک گلوکار شان کیلاش کھیر اور اروشی روتیلا حکومتی اجلاس میں شریک ہوئے ان کے علاوہ ٹی سیریز کے مالک بشن کمار رنویر شورے کنال کوہلی فلم ساز رتیش سدھوانی اور رمیش تارانی بھی اجلاس میں دکھائی دئیے
حکومتی اجلاس میں دعوت ملنے کے باوجود بالی وڈ شخصیات کی شرکت نہ کرنے پر خیال کیا جا رہا ہے کہ با لی وڈ انڈسٹری بھی حکومت کی جانب سے بنائے گئے متنازع شہریت قانون کے خلاف ہے با لی وڈ شخصیات نے حکومتی اجلاس میں شرکت نہ کرکے حکومت کو ناراضی کا پیغام دیا ہے
با لی وڈ شخصیات قانون بنائے جانے سے اب تک سوشل میڈیا پر متنازع شہریت قانون کے خلاف احتجاج کرتی دکھائی دیتی ہیں جب کہ سوارا بھاسکر ریچا چڈا اور سوشانت سنگھ جیسے اداکار تو مظاہروں میں شریک بھی ہوتے رہے ہیں تاہم مظاہروں میں شریک ہونے والے سوارا بھاسکر سوشانت سنگھ نکھل آدوانی اور انوراگ کشپ کو اجلاس میں شرکت کی دعوت نہیں دی گئی
این آر پی قانون میں مسلمانوں کے علاوہ دیگر مذاہب کے افراد کو شہریت دینے اور مسلمانوں کو نظر انداز کیے جانے کے خلاف نہ صرف بھارت کے 22 کروڑ مسلمان بلکہ بالی وڈ کی نامور شخصیات ہندو عیسائی اور سکھ بھی احتجاج کررہے ہیں
