ضلعی انتظامیہ کی غفلت ہمیشہ شہریوں کو ہی کیوں بھگتنا پڑتی ہے؟

شیخوپورہ (نمائندہ باغی ٹی وی سے) شہر اور اس کے نواحی علاقوں میں اتوار اور سوموار کی درمیانی شب سے شروع ہونے والا بارش کا سلسلہ سوموار کو بھی وقفہ وقفہ سے دن بھر جاری رہا اس دوران شہر میں صفائی کے انتظامات اور عملہ صفائی کی عدم دستیابی کی بناء پر شاہ کالونی روڈ محلہ رحمان پورہ گھنگ روڈ رسول پورہ سول لائنز کچہری روڈ جمیل ٹاؤن محلہ مچھلی فارم اور اس سے ملحقہ متعدد گلیوں اور بازاروں سے بارش کا پانی اور کیچڑ کھڑی ہوگئی یہ امر قابل ذکر ہے کہ میونسپل کارپوریشن نے شہر کے گنجان آباد علاقہ شاہ کالونی کی کئی گلیوں میں ابھی تک عملہ صفائی کی ڈیوٹیاں بھی نہ لگائی گئی ہیں جس کی وجہ سے مقامی لوگ اپنی جیب سے رقم خرچ کر کے گلیوں کی صفائی کرواتے ہیں بارش کے بعد سردی میں اضافہ ہوگیا ہے اور کئی علاقوں میں سپلائی کا نظام بوسیدہ ہونے کی وجہ سے بجلی کی فراہمی بھی تعطل کا شکار ہوئی