شاہی خاندان کے اعلان پر شہزادہ ہیری کا دکھ کا اظہار

شاہی خاندان کے شہزادہ ہیری اور میگھن کا شاہی درجہ ختم کرنے کے اعلان کے بعد شہزادہ ہیری نے کہا ہے کہ مجھے دکھ ہے کہ صورتحال یہاں تک پہنچ گئی، امید تھی پبلک فنڈنگ کے بغیر ملکہ کی خدمت اور فوجی تعلق جاری رکھوں بدقسمتی سے یہ ممکن نہیں

ہفتے کو شاہی خاندان کے تاریخی معاہدے کے بعد ہیری کا حامیوں سے خطاب میں کہنا تھا کہ آپ کی خدمت جاری رکھیں گے دادی اور اپنی کمانڈر ان چیف کا بےحد احترام ہے ان کا اور خاندان کا شکر گزار ہوں

خطاب کے دوران ایک موقع پر شہزادہ ہیری اشک بار ہو گئے تھے شہزادہ ہیری کی علیحدگی پر شاہی خاندان کے معاملات طے پاگئے معاہدے کے مطابق شہزادہ ہیری اور اہلیہ میگھن مرکل پبلک فنڈ استعمال نہیں کرسکیں گے

معاہدے کے تحت جوڑے کو اپنے گھر کی تزئین و آرائش پر خرچ کیے گئے 31 لاکھ ڈالر واپس کرنے ہوں گے اور ہیری کو افغانستان میں خدمات پر دیے گئے فوجی اعزازات بھی واپس کرنے ہوں گے