معروف گلوکار عاصم اظہر نے پاکستان کرکٹ ٹیم کے فاسٹ بالر حسن علی کو ڈانس سکھانے کی ویڈیو سوشل میڈیا پر وائرل ہوگئی
باغی ٹی وی ی رپورٹ کے مطابق گذشتہ روز پاکستان سپر لیگ کے سیزن فائیو کا آفیشل ترانہ جاری کیا گیا جس کو پاکستان کے نامور گلوکار عارف لوہار، علی عظمت، ہارون رشید اور عاصم اظہر نے گایا ہے
پی ایس ایل کے سیزن فائیو کے اس آفیشل ترانے کو جاری کرنے کے لیے ایک ایونٹ کا انعقاد کیا گیا جس میں پاکستان کرکٹ ٹیم کے کھلاڑیوں کے ساتھ ساتھ پی ایس ایل سیزن فائیو کا آفیشل ترانہ گانے والے گلوکاروں نے بھی شرکت کی
اسی ایونٹ کی ایک ویڈیو گزشتہ روز سے سوشل میڈیا پر وائرل ہو رہی ہے جس میں گلوکار عاصم اظہر پاکستان کرکٹ ٹیم کے فاسٹ بالر حسن علی کو ڈانس کے کچھ اسٹیپس سکھا رہے ہیں ویڈیو میں پہلے عاصم اظہر حسن علی کو پی ایس ایل فائیو کے آفیشل ترانے پر ڈانس کے کچھ اسٹیپ سِکھاتے ہیں اور اس کے بعد آخر میں حسن علی اپنی شاندار باؤلنگ سے سامنے کھڑے بیٹسمین کو آؤٹ کر نے کے بعد جشن منانے کا انوکھا انداز عاصم اظہر کو سکھا رہے ہیں جبکہ حسن علی نے کہا کہ وہ پی ایس ایل کے لئے تیار ہیں کیا آپ تیار ہیں ساتھ ہی انہوں نے گلوکار عارف لوہار کے بارے میں بات کرتے ہوئے کہا کہ وہ ان کے بہت بڑے فین ہیں
گلوکار عاصم اظہر نے اپنی انسٹاگرام اسٹوری میں اپنی اور حسن علی کے ڈانس کی ویڈیو شیئر کی اور ساتھ ہی قہقہے والے ایموجی کے ساتھ حسن علی کو ٹیگ بھی کیا ساتھ ہی یونٹ کی کچھ اور ویڈیو اور دوسرے گلوکاروں کے ساتھ تصویریں بھی انسٹا گرام سٹری میں شئیر کیں
عاصم اظہر نے اپنے انسٹاگرام پر اپنی ایک تصویر بھی شیئر کی جس میں وہ لاہور کے قذافی اسٹیڈیم میں موجود ہیں اور بارش ہو رہی ہے اس تصویر کے کیپشن میں غمگین ایموجی کے ساتھ مداحوں سے سوال پوچھتے ہوئے لکھا کہ کبھی آپ کے بھی پلینز بارش نے خراب کئے ہیں؟
جبکہ دوسری جانب کرکٹر حسن علی نے بھی انسٹا گرام پراحمد شہزاد اور شاداب خان کے ہمراہ ایک تصویر شیئر کی جس کے کیپشن میں انہوں نے لکھا کہ ’ہم سب ایچ بی ایل پی ایس ایل فائیو کے لیے تیار ہیں کیا آپ تیار ہیں؟
