نیروبی :عمران خان کی براعظم افریقہ سے تجارت کاویژن کامیابی کی طرف گامزن ،دوروزہ کانفرنس شروع،اطلاعات کےمطابق پاکستان اوربراعظم افریقہ کے ممالک کے ساتھ تجارتی تعلقات استوارکرنے کی کوششوں کواس وقت چارچاند لگ گئے جب پہلی دو روزہ کانفرنس کینیا کے دارالحکومت نیروبی میں شروع ہو گئی ہے۔
تفصیلات کے مطابق پاکستان اور کینیا نے مشترکہ طور پر اس کانفرنس کا اہتمام کیا ہے جس میں دوسرے افریقی ممالک کے نمائندے بھی شرکت کریں گے۔کانفرنس پاکستانی اورافریقی تاجروں کورابطے بڑھانے کے لئے باہمی دلچسپی کے شعبوں کی نشاندہی اورمربوط اقتصادی تعاون کے لئے تجاویزپیش کرنے کا موقع فراہم کرے گی۔
وزیرخارجہ شاہ محمود قریشی اور وزیراعظم عمران خان کےتجارت اور سرمایہ کاری کے مشیرعبدالرزاق داؤد کانفرنس کی افتتاحی نشست سے خطاب کریں گے۔ دورے کے دوران وزیر خارجہ ، خارجہ امور اور بین الاقوامی تجارت، افریقی کمیونٹی اور ناردرن کوریڈور ڈویلپمنٹ کے کیبنٹ سیکرٹریوں سمیت کینیا کی قیادت سے بھی ملاقاتیں کریں گے۔
